നോക്കൂ, എന്റെ പ്രവചനം എത്ര കൃത്യമാണ്, നിനക്ക് ദോഷകാലം തുടങ്ങി; ഭാവി പറഞ്ഞ് ഐഫോൺ കവർന്നു, ഒടുവിൽ കുടുങ്ങി
പുതുവർഷ ദിനത്തിൽ പുലർച്ചെ പട്ടായയിലെ ഒരു ക്ഷേത്രത്തിന് മുന്നിൽ വയോധിക ജ്യോത്സ്യന്റെ വേഷം കെട്ടി ഇരിക്കുകയായിരുന്നു ഉഡോംസാപ് എന്നയാൾ.
വഴിപോക്കരെ വിളിച്ച് ഭാവി പ്രവചിക്കാമെന്ന് വാഗ്ദാനം ചെയ്ത ഇയാളെ കണ്ടപ്പോൾ പാവം തോന്നിയ 19-കാരിയായ പിം എന്ന യുവതി തന്റെ ഭാവി നോക്കാൻ തയ്യാറായി.
ഭാവി പറയുന്നതിനിടെ, ഉടൻ തന്നെ യുവതിക്ക് വലിയൊരു നിർഭാഗ്യം സംഭവിക്കുമെന്നും വിലപിടിപ്പുള്ള എന്തോ ഒരു വസ്തു നഷ്ടപ്പെടുമെന്നും ജ്യോത്സ്യൻ പറഞ്ഞു.
ഈ ദോഷം ഒഴിവാക്കാൻ പ്രത്യേക പൂജകൾ ചെയ്യേണ്ടതുണ്ടെന്നും അതിനായി പണം നൽകണമെന്നും ആവശ്യപ്പെട്ടു. എന്നാൽ യുവതി അത് നിരസിച്ചു.
ഭാവി പറഞ്ഞ് തീർന്നതോടെ യുവതി സ്ഥലം വിട്ടു.
കുറച്ചുസമയം കഴിഞ്ഞപ്പോൾ തന്നെ തന്റെ ഐഫോൺ 13 പ്രോ കാണാനില്ലെന്ന് യുവതി തിരിച്ചറിഞ്ഞു. ഉടൻ തിരികെവന്ന് ജ്യോത്സ്യനോട് ചോദിച്ചപ്പോൾ, “നോക്കൂ, എന്റെ പ്രവചനം എത്ര കൃത്യമാണ്, നിനക്ക് ദോഷകാലം തുടങ്ങി” എന്നായിരുന്നു ഇയാളുടെ മറുപടി.
മോഷ്ടാവിനെ കണ്ടുവെന്നും അയാളുടെ രൂപം എങ്ങനെയാണെന്നും വരെ ഇയാൾ വിശദീകരിക്കുകയും ചെയ്തു.
ജ്യോത്സ്യന്റെ പെരുമാറ്റത്തിൽ സംശയം തോന്നിയ യുവതി നാട്ടുകാരുടെ സഹായത്തോടെ ഇയാളുടെ ബാഗ് പരിശോധിച്ചു.
മാസ്കുകൾ സൂക്ഷിക്കുന്ന ബോക്സിനുള്ളിൽ ഒളിപ്പിച്ച നിലയിൽ ഐഫോൺ കണ്ടെത്തി. തുടർന്ന് സ്ഥലത്തെത്തിയ പോലീസ് ഇയാളെ കസ്റ്റഡിയിലെടുത്തു.
പുതുവർഷ ദിനത്തിൽ പണത്തിന് അത്യാവശ്യം ഉണ്ടായതിനാലാണ് മോഷണം നടത്തിയതെന്നും ഇത് തന്റെ ആദ്യ മോഷണമാണെന്നും ഉഡോംസാപ് പോലീസിനോട് സമ്മതിച്ചു.
തന്നെ വിട്ടയക്കണമെന്ന് ഇയാൾ യുവതിയോട് അപേക്ഷിച്ചെങ്കിലും, ഇത്തരക്കാരാൽ ഇനി മറ്റുള്ളവർ വഞ്ചിക്കപ്പെടാതിരിക്കാൻ നിയമനടപടികളുമായി മുന്നോട്ട് പോകുമെന്ന് യുവതി വ്യക്തമാക്കി.
തായ്ലൻഡിലെ ആത്മീയ സേവനങ്ങളുടെയും സാധനങ്ങളുടെയും വിപണി 304 മില്യൺ മുതൽ 456 മില്യൺ ഡോളർ വരെ മൂല്യമുള്ളതായാണ് കണക്കാക്കുന്നത്.
സാധാരണ പൗരന്മാരിൽ നിന്ന് രാഷ്ട്രീയക്കാരും ബിസിനസ് മാഗ്നറ്റുകളും വരെ, രാജ്യത്തെ അറിയപ്പെടുന്ന ജ്യോത്സ്യന്മാരിലും ഭാഗ്യവാചകരിലും നിന്ന് പതിവായി മാർഗനിർദേശം തേടുന്നവരാണ്.
English Summary
A man posing as an elderly astrologer stole an iPhone 13 Pro from a 19-year-old woman near a temple in Pattaya on New Year’s Day. After predicting misfortune and asking money for rituals, he allegedly hid the phone in his bag. The woman grew suspicious, searched his belongings with locals’ help, and recovered the phone. Police arrested the accused, who admitted it was his first theft. The incident highlights Thailand’s booming spiritual services industry.
pattaya-astrologer-disguise-iphone-theft-new-year
Thailand News, Pattaya, Astrologer Scam, iPhone Theft, New Year Incident, Southeast Asia News, Crime News
