കാറിനുള്ളിൽ കുടുങ്ങിയ ഒന്നരവയസ്സുകാരനെ സുരക്ഷിതമായി രക്ഷപ്പെടുത്തി അഗ്നിശമനസേന
പത്തനംതിട്ട: വീടിന്റെ പോർചിൽ പാർക്ക് ചെയ്തിരുന്ന കാറിനുള്ളിൽ കുടുങ്ങിയ ഒന്നരവയസ്സുകാരനെ അഗ്നിശമനസേന സുരക്ഷിതമായി രക്ഷപ്പെടുത്തി.
തിരുവല്ലയിലാണ് സംഭവം. കുട്ടി കാറിനുള്ളിൽ കുടുങ്ങിയതായി തിരിച്ചറിഞ്ഞ മാതാപിതാക്കൾ ഉടൻ തന്നെ അഗ്നിശമനസേനയെ വിവരം അറിയിക്കുകയായിരുന്നു.
കിരൺ മാത്യുവിന്റെയും അനീറ്റയുടെയും മകനായ ഒന്നര വയസ്സുകാരൻ ഇവാനാണ് കാറിനുള്ളിൽ കുടുങ്ങിയത്.
കുഞ്ഞിനെ ഭയപ്പെടുത്താതെ, പരിക്കുകളൊന്നുമില്ലാതെ പുറത്തെത്തിക്കാൻ കഴിഞ്ഞതിൽ മാതാപിതാക്കൾ സന്തോഷം പ്രകടിപ്പിച്ചു.
രക്ഷാപ്രവർത്തനത്തിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.
ഓട്ടോമാറ്റിക് സംവിധാനമുള്ള കാറിന്റെ ഡോർ തകരാറിലായതാണ് അപകടത്തിനിടയാക്കിയത്.
ഡോർ തുറക്കാനുള്ള ശ്രമത്തിനിടെ കുഞ്ഞ് കരയുന്നതും, “തുറക്കുവാട മോനെ… ഒന്നുമില്ല… പേടിക്കല്ലേ” എന്ന് അമ്മ ആശ്വസിപ്പിക്കുന്നതും വീഡിയോയിൽ കേൾക്കാം.
ബുധനാഴ്ച രാവിലെ പത്ത് മണിയോടെയാണ് സംഭവം. കാറിന്റെ താക്കോൽ കൈവശമുണ്ടായിരുന്ന ഇവാൻ വാഹനത്തിനുള്ളിൽ കയറുകയും, പിന്നാലെ ഡോർ ഓട്ടോമാറ്റിക്കായി ലോക്കാവുകയും ചെയ്തതോടെയാണ് കുട്ടി അകത്ത് കുടുങ്ങിയത്.
അഗ്നിശമനസേന നടത്തിയ രക്ഷാപ്രവർത്തനത്തിന് നിരവധി പേർ അഭിനന്ദനം അറിയിച്ചെങ്കിലും, ഗ്ലാസ് ഉടൻ തകർത്ത് രക്ഷപ്പെടുത്തിയില്ലെന്ന വിമർശനവും ചില ഭാഗങ്ങളിൽ നിന്ന് ഉയർന്നിട്ടുണ്ട്.
English Summary
Fire and Rescue Services safely rescued a one-and-a-half-year-old child who got trapped inside a parked car at a house porch in Thiruvalla, Pathanamthitta. The incident occurred after the car’s automatic door malfunctioned. The rescue visuals have gone viral on social media.
pathanamthitta-toddler-trapped-car-fireforce-rescue
Pathanamthitta, Thiruvalla, fire force rescue, child safety, car door lock, viral video, Kerala news
