പറശ്ശിനികടവിൽ ലോഡ്ജിൽ യുവതിയെ മരിച്ച നിലയിൽ കണ്ടെത്തിയ സംഭവം കൊലപാതകം; കഴുത്ത് ഞെരിച്ച് കൊലപ്പെടുത്തിയതെന്ന് പ്രാഥമിക നിഗമനം
കണ്ണൂർ ∙ പറശ്ശിനികടവിലെ ലോഡ്ജ് മുറിയിൽ യുവതിയെ മരിച്ച നിലയിൽ കണ്ടെത്തിയ സംഭവം കൊലപാതകമാണെന്ന് പ്രാഥമിക അന്വേഷണത്തിൽ വ്യക്തമായി.
കഴുത്ത് ഞെരിച്ചാണ് യുവതിയെ കൊലപ്പെടുത്തിയതെന്നതാണ് അന്വേഷണ സംഘത്തിന്റെ നിഗമനം. യുവതിക്കൊപ്പം ലോഡ്ജിൽ ഉണ്ടായിരുന്ന അയൽവാസിയെ പിന്നീട് പുഴയോരത്ത് തൂങ്ങിമരിച്ച നിലയിൽ കണ്ടെത്തി.
ചെറുകുന്ന് അയ്യോത്ത് സ്വദേശിനിയായ സീമ (50) ആണ് മരിച്ചത്. ബുധനാഴ്ച രാത്രി ഒൻപത് മണിയോടെയാണ് ലോഡ്ജ് മുറിയിൽ സീമയെ മരിച്ച നിലയിൽ കണ്ടെത്തിയത്.
സംഭവത്തിന് പിന്നാലെ സീമയോടൊപ്പം ഉണ്ടായിരുന്ന കെ. പി. വിജയനെ കാണാതായതിനെ തുടർന്ന് പൊലീസ് വ്യാപക തിരച്ചിൽ ആരംഭിച്ചിരുന്നു.
തുടർന്നാണ് മാട്ടൂൽ ജസിന്ത കടവിന് സമീപം പുഴയോരത്ത് വിജയനെ തൂങ്ങിമരിച്ച നിലയിൽ കണ്ടെത്തിയത്. ലോഡ്ജ് മുറി വിജയന്റെ പേരിലാണ് ബുക്ക് ചെയ്തിരുന്നതെന്ന് പൊലീസ് അറിയിച്ചു.
സീമയുടെ മൃതദേഹം പോസ്റ്റ്മോർട്ടത്തിനായി പരിയാരം മെഡിക്കൽ കോളേജ് ആശുപത്രിയിലേക്ക് മാറ്റി.
സംഭവത്തിന്റെ എല്ലാ വശങ്ങളും പരിശോധിച്ച് പൊലീസ് വിശദമായ അന്വേഷണം തുടരുകയാണ്.
English Summary
The death of a woman found inside a lodge room at Parassinikkadavu in Kannur is suspected to be a murder. Preliminary investigation suggests she was strangled to death. The man who stayed with her at the lodge, identified as her neighbour, was later found hanging near a riverside at Mattool. The deceased woman, Seema (50) from Cherukunnu Ayyoor, was found dead on Wednesday night. Police have launched a detailed investigation into the incident.
parassinikkadavu-lodge-murder-woman-strangled-neighbour-found-dead
Kannur, Parassinikkadavu, lodge murder, woman found dead, suspected murder, strangulation, neighbour death, Kerala crime, police investigation
