പുതുപ്പള്ളി: ഇന്ത്യയുടെ 78-ാമത് ഇന്ത്യൻ സ്വാതന്ത്ര്യദിനം ആഘോഷിച്ച് കേരളത്തിന്റെ മരുമകനായ പാകിസ്ഥാൻ പൗരൻ.Pakistani citizen son-in-law of Kerala celebrating India’s 78th Indian Independence Day
കോട്ടയം സ്വദേശിനിയെ വിവാഹം കഴിച്ചതിലൂടെ മലയാളികൾക്ക് സുപരിചിതനായ പാകിസ്ഥാൻ പൗരനും സോഷ്യൽ മീഡിയ താരവുമായ തൈമൂർ താരിഖാണ് ഇന്ത്യൻ സ്വാതന്ത്ര്യദിനം ആഘോഷിക്കാൻ കേരളത്തിലെത്തിയത്.
ഭാര്യ ശ്രീജയുടെ കോട്ടയം പുതുപ്പള്ളിയിലെ വീട്ടിലാണ് തൈമൂർ താരിഖ് സ്വാതന്ത്ര്യ ദിനം ആഘോഷിച്ചത്.
ഭാര്യക്കൊപ്പം കേക്ക് മുറിച്ചാണ് തൈമൂർ താരിഖ് ഇന്ത്യയുടെ സ്വാതന്ത്ര്യദിനാഘോഷത്തിൽ പങ്കാളിയായത്. ഇതിൻറെ വീഡിയോ സോഷ്യൽ മീഡിയയിൽ വൈറലാകുകയാണ്.
പുതിയതായി ലഭിച്ച വിസിറ്റ് വിസയിൽ രണ്ടാഴ്ചത്തേക്കാണ് ഇദ്ദേഹം കേരളത്തിലെത്തിയത്.
അടുത്തിടെ വയനാട് ഉരുൾപൊട്ടൽ ദുരന്തബാധിതർക്കായി തൈമൂർ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകിയിരുന്നു.
യുഎഇയിലെ അജ്മാനിലാണ് തൈമൂർ താരിഖ് ഭാര്യ ശ്രീജയ്ക്കൊപ്പം താമസിക്കുന്നത്.
