ഇന്ത്യൻ നയതന്ത്രജ്ഞർക്ക് പത്രവും വെള്ളവും വിലക്കി പാക്കിസ്ഥാൻ; അതേ നാണയത്തിൽ തിരിച്ചടിച്ച് ഇന്ത്യയും
‘ഓപ്പറേഷൻ സിന്ദൂരി’നുശേഷം ഇസ്ലാമാബാദിലെ ഇന്ത്യൻ നയതന്ത്രജ്ഞർക്കെതിരെ പാക്കിസ്ഥാൻ പീഡനം വർധിപ്പിച്ചതായി റിപ്പോർട്ട്.
ഇന്ത്യൻ ഹൈക്കമ്മിഷനിലേക്കും ഇന്ത്യൻ നയതന്ത്രജ്ഞരുടെ വസതികളിലേക്കും പത്ര വിതരണം പൂർണമായും നിർത്തിവച്ചു. ഇതിനിടെ ന്യൂഡൽഹിയിലെ പാക്കിസ്ഥാൻ നയതന്ത്രജ്ഞർക്കുള്ള പത്ര വിതരണം ഇന്ത്യയും നിർത്തിവച്ചു.
നയതന്ത്ര ഉദ്യോഗസ്ഥരുടെ മേൽ പാക്കിസ്ഥാൻ അധികാരികൾ ആക്രമണാത്മക നിരീക്ഷണം ശക്തമാക്കിയിട്ടുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.
ഇന്ത്യൻ നയതന്ത്ര വസതികളിലും ഓഫിസുകളിലും പാക്ക് ഉദ്യോഗസ്ഥർ അനധികൃതമായി കടന്നുകയറുന്നതായും റിപ്പോർട്ടുകളുണ്ട്.
ഇത് നയതന്ത്ര ബന്ധങ്ങൾക്കായുള്ള വിയന്ന കൺവെൻഷന്റെ വ്യക്തമായ ലംഘനമാണെന്ന് ഉദ്യോഗസ്ഥർ പറഞ്ഞു. നിരീക്ഷണത്തിനു പുറമേ അടിസ്ഥാന സൗകര്യങ്ങൾ ലഭ്യമാക്കുന്നതിലും ഇന്ത്യൻ നയതന്ത്രജ്ഞർ പ്രശ്നങ്ങൾ നേരിടുന്നുണ്ട്.
പാചക വാതകം, വെള്ളം തുടങ്ങി അവശ്യ സാധനങ്ങൾക്കായി ഇന്ത്യൻ ഉദ്യോഗസ്ഥരുമായി സഹകരിക്കുന്നത് നിർത്താൻ പാക്കിസ്ഥാൻ അധികൃതർ അടുത്തിടെ പ്രാദേശിക കച്ചവടക്കാർക്ക് നിർദേശം നൽകിയിരുന്നു.
രക്തവും വെള്ളവും ഒരുമിച്ച് ഒഴുകില്ലന്ന് മനസിലായി! തീരുമാനം പുനഃപരിശോധിക്കണമെന്ന് വീണ്ടും കത്തയച്ച് പാക്കിസ്ഥാൻ
ന്യൂഡല്ഹി: സിന്ധു നദീജലക്കരാര് മരവിപ്പിച്ച തീരുമാനം ഇന്ത്യ പുനഃപരിശോധിക്കണമെന്ന ആവശ്യവുമായി വീണ്ടും പാകിസ്താന് രംഗത്ത്.
ഇക്കാര്യം ആവശ്യപ്പെട്ട് പാകിസ്ഥാന് ഇന്ത്യക്ക് വീണ്ടും കത്ത് നല്കി. ഇത് നാലാം തവണയാണ് ഇതേ ആവശ്യവുമായി പാകിസ്ഥാന് ഇന്ത്യയെ സമീപിക്കുന്നത്.
പാകിസ്ഥാന് ജലവിഭവ മന്ത്രാലയം സെക്രട്ടറി സയ്യിദ് അലി മുര്താസ് ആണ് ജല്ശക്തി മന്ത്രാലയത്തിന് കത്തുകള് അയച്ചിരിക്കുന്നത്.
കത്തുകള് വിദേശകാര്യ മന്ത്രാലയത്തിന് കൈമാറിയതായും സര്ക്കാര് വൃത്തങ്ങള് അറിയിച്ചു. വെള്ളത്തിന്റെ അഭാവം കൃഷിയെയും കുടിവെള്ള വിതരണത്തെയും ബാധിക്കുന്നു എന്നാണ് പാകിസ്ഥാന്റെ നിലപാട്.
എന്നാല് നിലവിലെ സാഹചര്യത്തില് പാകിസ്ഥാനുമായി യാതൊരുവിധ ചര്ച്ചയ്ക്കും ഇന്ത്യ തയ്യാറാകില്ലെന്നാണ് പൊതുവെയുള്ള വിലയിരുത്തല്. പാകിസ്ഥാന്റെ ആവശ്യത്തോട് ഇതുവരെ ഇന്ത്യ പ്രതികരിച്ചിട്ടില്ല.
സിന്ധു നദീജലക്കരാര് മരവിപ്പിച്ച നടപടിയില് നിന്ന് ഇന്ത്യ പിന്മാറണമെന്ന് നേരത്തെ മൂന്ന് തവണ പാകിസ്ഥാന് ആവശ്യപ്പെട്ടിരുന്നു. ഓപ്പറേഷന് സിന്ദൂറിന് പിന്നാലെയും പാകിസ്ഥാന് ഇതേ ആവശ്യവുമായി ഇന്ത്യയെ സമീപിച്ചിരുന്നു.
26 പേരുടെ ജീവനെടുത്ത പഹല്ഗാം ഭീകരാക്രമണത്തിന് പിന്നാലെയായിരുന്നു പതിറ്റാണ്ടുകള് പഴക്കമുള്ള സിന്ധു നദീജലകരാര് ഇന്ത്യ മരവിപ്പിച്ചത്.
ഭീകരപ്രവര്ത്തനങ്ങള്ക്ക് പാകിസ്താന് പിന്തുണ നല്കുന്നത് അവസാനിപ്പിക്കാതെ കരാര് മരവിപ്പിച്ച നടപടിയില് ഇളവ് വരുത്താന് ഉദ്ദേശ്യമില്ലെന്നാണ് ഇന്ത്യയുടെ ഇപ്പോഴത്തെ നിലപാട്.
രക്തവും വെള്ളവും ഒരുമിച്ച് ഒഴുകില്ലെന്ന പ്രധാനമന്ത്രി നരേന്ദ്ര മോദി നടത്തിയ പ്രതികരണത്തിന്ന പിന്നാലെയായിരുന്നു ഇന്ത്യ ഇത്തരത്തിൽ കടുത്ത നടപടികളിലേക്ക് കടന്നത്.
അതേസമയം, വെള്ളം വഴിതിരിച്ച് വിട്ടും, കൂടുതല് സംഭരിച്ചും, അണക്കെട്ടുകള് തുറന്ന് വിട്ടും സിന്ധു നദി കരാറുമായി ബന്ധപ്പെട്ട നദികളില് ഇന്ത്യ ഇടപെടല് കര്ശനമാക്കുന്നത്
പാകിസ്ഥാനില് പ്രതിസന്ധി രൂക്ഷമാക്കിയിട്ടുണ്ടെന്നാണ് പുറത്തു വരുന്ന റിപ്പോര്ട്ടുകള്. ജലഭ്യതക്കുറവ് കാരണം പാകിസ്താന് രൂക്ഷമായ വരള്ച്ച അനുഭവിക്കുകയാണെന്നാണ് വിവരം.
ഈവിഷയത്തില് എത്രയും വേഗം പരിഹാരം പാക് സര്ക്കാരിന് മേല് രാഷ്ട്രീയ സമ്മര്ദവും ശക്തമാണ്. പാകിസ്താനിലെ പ്രമുഖ രാഷ്ട്രീയനേതാക്കള് വിഷയത്തില് പ്രധാനമന്ത്രി ഷഹബാസ് ഷെരീഫിനെ സമീപിച്ചതായും റിപ്പോര്ട്ടുകളുണ്ട്.
