ന്യൂഡൽഹി: പഞ്ചാബിലെ നിയന്ത്രണ രേഖയ്ക്കടുത്തുള്ള ജില്ലകളിൽ നിന്നും പാക് ഡ്രോണുകൾ പിടിച്ചെടുത്ത് ബിഎസ്എഫ് ഉദ്യോഗസ്ഥർ. അമൃത്സർ, ഗുരുദാസ്പൂർ ജില്ലകളിലാണ് പാക് ഡ്രോണുകൾ കണ്ടെടുത്തത്.
സമീപകാലത്ത് അന്താരഷ്ട്ര അതിർത്തിക്ക് സമീപത്തുനിന്നും ഇത്തരത്തിൽ കണ്ടെത്തുന്ന പാക് ഡ്രോണുകളുടെ എണ്ണത്തിൽ വൻ വർദ്ധനവാണ് ഉണ്ടയിട്ടുള്ളത്.
പഞ്ചാബ് പൊലീസുമായി സഹകരിച്ച് ബിഎസ്എഫ് സൈനികർ നടത്തിയ തിരച്ചിലിലാണ് ഡ്രോൺ ഗുർദാസ്പൂർ ജില്ലയിലെ ഷാഹൂർ കലാൻ ഗ്രാമത്തിനടുത്തുള്ള ഒരു കൃഷിയിടത്തിലാണ് ഡിജെഐ മാവിക് 3 ക്ലാസിക് ഡ്രോൺ കണ്ടെത്തിയത്.
അമൃത്സർ ജില്ലയിലെ ഭൈനി രജ്പുത്താന ഗ്രാമത്തോട് ചേർന്നുള്ള ഒരു കൃഷിയിടത്തിൽ നിന്നാണ് ബിഎസ്എഫ് സൈനികർ മറ്റൊരു ഡിജെഐ മാവിക് 3 ക്ലാസിക് ഡ്രോൺ കണ്ടെടുത്തത്.
അതിർത്തിക്കപ്പുറത്തുനിന്നുള്ള അനധികൃത ഡ്രോണുകളുടെ നുഴഞ്ഞുകയറ്റ ശ്രമങ്ങൾ തടയുന്നതിനായി അതിർത്തിയിൽ ബിഎസ്എഫ് ശക്തമായ സാങ്കേതിക പ്രതിരോധ നടപടികളാണ് സ്വീകരിച്ചിരിക്കുന്നത്.
