കോഴിക്കോട്: നിലമ്പൂര് എംഎല്എ പി വി അന്വര് ഇന്ന് വയനാട് സന്ദർശിക്കും. ഉരുള്പൊട്ടല് ദുരിതബാധിതരുടെ സ്നേഹ സംഗമത്തില് പി വി അന്വര് പങ്കെടുക്കും. മുണ്ടക്കൈ, ചൂരല്മല മേഖലകളിലും അദ്ദേഹം സന്ദർശനം നടത്തും.(P V Anwar Will Visit Wayanad Landslide area)
കഴിഞ്ഞ ദിവസം അൻവർ കാസർഗോഡ് ജീവനൊടുക്കിയ ഓട്ടോ ഡ്രൈവര് അബ്ദുള് സത്താറിന്റെ വീട് സന്ദര്ശിച്ചിരുന്നു. പൊലീസിനെതിരെ രൂക്ഷ വിമർശനമാണ് അൻവർ ഉന്നയിച്ചത്. കൂടാതെ അബ്ദുള് സത്താറിന്റെ കുടുംബത്തിന് വീടു വെച്ചുനല്കാനുള്ള സാമ്പത്തിക സഹായം തേടിയിട്ടുണ്ട്.
സത്താറിന്റെ മകന്റെ പേരിൽ ബാങ്ക് അക്കൗണ്ട് ആരംഭിച്ചിട്ടുണ്ട്. ഈ ബാങ്ക് അക്കൗണ്ടിലേക്ക് സഹായങ്ങള് നല്കണമെന്നാണ് അന്വര് അറിയിച്ചത്. കുടുംബത്തെ സന്ദര്ശിച്ച അവസരത്തില് തന്റെ വിഹിതം മകന് കൈമാറിയിട്ടുണ്ടെന്നും അന്വര് പറഞ്ഞു. പൊലീസ് പിടിച്ചെടുത്ത ഓട്ടോ വിട്ടുകിട്ടാത്തതിനെ തുടര്ന്നാണ് അബ്ദുള് സത്താര് ജീവനൊടുക്കിയത്.
