ശബരിമല കേസ്: ‘യെസ്’ എന്നോ ‘നോ’ എന്നോ ഇപ്പോൾ പറയില്ല; നിലപാട് വ്യക്തമാക്കി മന്ത്രി പി. രാജീവ്
തിരുവനന്തപുരം: പി രാജീവ് പറഞ്ഞു — ശബരിമല യുവതി പ്രവേശന വിഷയത്തിൽ ഇപ്പോൾ ‘യെസ്’ അല്ലെങ്കിൽ ‘നോ’ എന്ന് പറഞ്ഞ് നിലപാട് പ്രഖ്യാപിക്കേണ്ട സാഹചര്യമില്ല.
വിഷയത്തിന്റെ എല്ലാ വശങ്ങളും വിശദമായി പരിശോധിച്ച ശേഷമാണ് സർക്കാർ തീരുമാനമെടുക്കുകയെന്ന് അദ്ദേഹം വ്യക്തമാക്കി. സർക്കാർ നിലപാട് വ്യക്തമാക്കാൻ ഇനിയും സമയം ഉണ്ടെന്നും മന്ത്രി മാധ്യമങ്ങളോട് പറഞ്ഞു.
ഈ വിഷയത്തിൽ സർക്കാർ അന്ന് സ്വീകരിച്ചത് സുപ്രീം കോടതി വിധി പാലിച്ചതിന്റെ ഭാഗമായിരുന്നുവെന്നും പി രാജീവ് പറഞ്ഞു.
വിഷയം സങ്കീർണമായ ഭരണഘടനാ പ്രശ്നങ്ങളുമായി ബന്ധപ്പെട്ടതാണെന്നും, ഒരു മിനിറ്റിൽ തീർപ്പാക്കാൻ കഴിയുന്ന കാര്യമല്ലെന്നും അദ്ദേഹം ചൂണ്ടിക്കാട്ടി.
വിശ്വാസവും സാമൂഹിക പരിഷ്കരണവും ഒരുമിച്ച് മുന്നോട്ട് കൊണ്ടുപോകേണ്ടതുണ്ടെന്നും, ഇതേ നിലപാടാണ് സർക്കാർ നൽകിയ സത്യവാങ്മൂലത്തിലും വ്യക്തമാക്കിയിരിക്കുന്നതെന്നും മന്ത്രി കൂട്ടിച്ചേർത്തു.
English Summary
Kerala minister P. Rajeev said that the government does not need to give a simple yes-or-no answer at this stage on the Sabarimala women entry issue. He stated that the matter involves complex constitutional questions and that the government will take a decision only after considering all aspects. He also clarified that the earlier stand of the government was in compliance with the Supreme Court’s verdict.
p-rajeev-sabarimala-women-entry-no-immediate-stand-kerala-government
P Rajeev, Sabarimala, women entry, Supreme Court of India, Kerala government, constitutional issue, faith and reform, political statement
