മോദിയുടെ സന്ദർശനത്തിലെ കൊടിതോരണങ്ങൾ; ബിജെപിക്ക് പിഴയിട്ട കോർപ്പറേഷൻ റവന്യൂ ഓഫീസറെ സ്ഥലംമാറ്റി
നിലവിൽ കൗൺസിൽ സെക്രട്ടറിയായ പി. അനിൽകുമാറിനെ കോർപ്പറേഷന്റെ പുതിയ റവന്യൂ ഓഫീസറായി നിയമിച്ചു.
കോർപ്പറേഷന്റെ അനുമതിയില്ലാതെ ഫ്ളെക്സ് ബോർഡുകളും കൊടിതോരണങ്ങളും സ്ഥാപിച്ചതിന് ബിജെപി സിറ്റി ജില്ലാ കമ്മിറ്റിക്ക് 19.97 ലക്ഷം രൂപ പിഴ ചുമത്തിയ നടപടിയുമായി ബന്ധപ്പെട്ട വിവാദത്തിന് പിന്നാലെയാണ് നിയമനവും സ്ഥലംമാറ്റങ്ങളും.
റവന്യൂ ഓഫീസർ തയ്യാറാക്കുന്ന റിപ്പോർട്ടിന്റെ അടിസ്ഥാനത്തിലാണ് കോർപ്പറേഷൻ സെക്രട്ടറി പിഴ നോട്ടീസ് തയ്യാറാക്കി നൽകുന്നത്. ബിജെപി ഭരിക്കുന്ന കോർപ്പറേഷൻ തന്നെ ബിജെപി ജില്ലാ കമ്മിറ്റിക്ക് പിഴ നോട്ടീസ് നൽകിയതോടെ സംഭവം വലിയ ചർച്ചയായിരുന്നുവെന്നാണ് റിപ്പോർട്ട്.
ഇതിനിടെ, ചട്ടം മറികടന്ന് 23 വർഷമായി ഒരേ സ്ഥലത്ത് ജോലി ചെയ്യുന്നുവെന്ന ബിജെപിയുടെ മുൻ ആരോപണത്തിന് വിധേയനായ ഇടത് യൂണിയൻ നേതാവും റവന്യൂ ഇൻസ്പെക്ടറുമായ പി. സുരേഷ് കുമാറിനെ ആറ്റിപ്ര സോണൽ ഓഫീസിലേക്ക് സ്ഥലംമാറ്റി.
കൂടാതെ പൊതുഭരണ വിഭാഗം സൂപ്രണ്ട് ആർ.സി. രാജേഷ് കുമാറിനെ തിരുവല്ലം സോണൽ ഓഫീസിലേക്കും മാറ്റിയിട്ടുണ്ട്.
ENGLISH SUMMARY
P. Anil Kumar, currently the council secretary, has been appointed as the new revenue officer. The move comes amid controversy after the BJP city district committee was fined Rs 19.97 lakh for installing flex boards and banners without permission. Following the incident, the corporation also transferred revenue inspector P. Suresh Kumar to Attipra zonal office and superintendent R.C. Rajesh Kumar to Thiruvallam zonal office.
p-anil-kumar-appointed-new-revenue-officer-corporation-transfers
Corporation, Revenue Officer, P Anil Kumar, BJP, Fine Notice, Flex Boards, Flag Banners, Transfer, Kerala News, Local Body
