തിരുവനന്തപുരം: എസ്എടി ആശുപത്രിയിൽ ഓക്സിജൻ സിലിണ്ടർ പൊട്ടിത്തെറിച്ച് അപകടം. ജീവനക്കാരിയുടെ കണ്ണിനു ഗുരുതര പരിക്കേറ്റു. നഴ്സിംഗ് അസിസ്റ്റന്റ് ഷൈലയ്ക്കാണ് പരിക്കേറ്റത്. അത്യാഹിത വിഭാഗത്തിലാണ് അപകടമുണ്ടായത്.
ഓക്സിജൻ സിലിണ്ടറിലെ ഫ്ളോമീറ്റർ പൊട്ടിത്തെറിക്കുകയായിരുന്നു. ഇന്ന് ഉച്ചയോടെയായിരുന്നു സംഭവം. ഷൈലയെ അടിയന്തിര ശസ്ത്രക്രിയയ്ക്ക് വിധേയയാക്കി. ഫ്ളോമീറ്റർ പൊട്ടിത്തെറിക്കാനുണ്ടായ കാരണം അന്വേഷിച്ച് വരികയാണ്.
വെഞ്ഞാറമൂട് കൂട്ടക്കൊല; പ്രതി അഫാൻ വീണ്ടും കസ്റ്റഡിയിൽ
തിരുവനന്തപുരം: വെഞ്ഞാറമൂട് കൂട്ടക്കൊലപാതക കേസിലെ പ്രതി അഫാനെ വീണ്ടും കസ്റ്റഡിയിലെടുത്ത് പോലീസ്. മൂന്ന് ദിവസത്തേക്കാണ് അഫാനെ കോടതി കസ്റ്റഡിയിൽ വിട്ടിരിക്കുന്നത്. അഫാനെ വീട്ടിലെത്തിച്ച് നാളെ തെളിവെടുപ്പ് നടത്തും.
അഫാൻ്റെ പെൺ സുഹൃത്തായിരുന്ന ഫർസാനയെയും, സഹോദരൻ അഹ്സാനെയും കൊലപ്പെടുത്തിയ കേസിലാണ് തെളിവെടുപ്പ് നടത്തുക. അതേസമയം കേസിൽ അഫാനെ സംരക്ഷിച്ച് വീണ്ടും ഉമ്മ വീണ്ടും മൊഴി നൽകി. മകൻ ചെയ്ത ക്രൂര കൊലപാതകങ്ങളെക്കുറിച്ച് അറിഞ്ഞിട്ടും, കട്ടിലിൽ നിന്നും വീണതാണ് തനിക്ക് പരിക്ക് പറ്റാൻ കാരണമെന്ന മുൻമൊഴിയിൽ ഉറച്ച് നിൽക്കുകയാണ് ഷെമീന.
