അമിതഭാരം കയറ്റുന്ന ലോറികൾക്ക് ഇനി ‘എട്ടിന്റെ പണി’; കർശന നടപടികളുമായി കേരള ഹൈക്കോടതി
കൊച്ചി: ദേശീയപാതകളിൽ അമിതഭാരം കയറ്റിയ ചരക്കുവാഹനങ്ങളെ നിയന്ത്രിക്കാൻ, Kerala High Court നിർദേശപ്രകാരം സർക്കാർ തയ്യാറാക്കിയ സ്റ്റാൻഡേർഡ് ഓപ്പറേറ്റിംഗ് പ്രോസീജർ (SOP) കോടതിയിൽ സമർപ്പിച്ചു.
ടോൾ പ്ലാസകൾക്ക് സമീപം വാഹനങ്ങളുടെ ഭാരം ഓട്ടോമാറ്റിക്കായി പരിശോധിക്കും. സംശയം തോന്നുന്ന വാഹനങ്ങളെ പൊലീസ് വെയ്ബ്രിഡ്ജിൽ കയറ്റി കൃത്യമായ ഭാരം സ്ഥിരീകരിക്കും.
അമിതഭാരം കണ്ടെത്തിയാൽ 20,000 രൂപയും അധികമുള്ള ഓരോ ടണ്ണിനും 2,000 രൂപ വീതവും പിഴ ഈടാക്കും. വാഹന ഉടമക്കും ഡ്രൈവർക്കും പിഴ ബാധകമായിരിക്കും.
നിയമലംഘനം ആവർത്തിക്കുന്ന ഡ്രൈവർമാരുടെ ലൈസൻസ് മൂന്ന് മുതൽ ആറുമാസം വരെ സസ്പെൻഡ് ചെയ്യും. 24 മാസത്തിനിടെ മൂന്നിലധികം തവണ കുറ്റം ചെയ്താൽ ലൈസൻസ് സ്ഥിരമായി റദ്ദാക്കും.
25 ശതമാനത്തിലധികം അധികഭാരം കയറ്റുന്നത് അപകടകരമായ ഡ്രൈവിംഗായി കണക്കാക്കി അപ്പോൾ തന്നെ ലൈസൻസ് സസ്പെൻഡ് ചെയ്യുമെന്നും മാർഗനിർദേശത്തിൽ പറയുന്നു.
അധിക ചരക്ക് 24 മണിക്കൂറിനകം മറ്റൊരു വാഹനത്തിലേക്ക് മാറ്റിയതായി ഉറപ്പാക്കിയ ശേഷമേ വാഹനം വിട്ടുനൽകൂ. ചരക്കുമാറ്റത്തിനായി പ്രത്യേക സ്ഥലങ്ങൾ നിശ്ചയിക്കും.
ഇതിനായി മോട്ടോർ വാഹന വകുപ്പ്, പൊലീസ്, National Highways Authority of India, ഖനന–ഭൂഗർഭ വകുപ്പ്, വനം വകുപ്പ്, പോർട്ട് അതോറിറ്റി എന്നിവ സംയുക്തമായി പ്രവർത്തിക്കും.
ക്വാറികളിലും തുറമുഖങ്ങളിലും കൃത്യമായ ഭാരപരിശോധന ഉറപ്പാക്കാൻ ബന്ധപ്പെട്ട വകുപ്പുകൾക്ക് നിർദേശം നൽകിയിട്ടുണ്ട്.
തീരുമാനങ്ങൾക്ക് വ്യാപക പ്രചാരണം നൽകണമെന്നും നിർദേശങ്ങൾ നടപ്പാക്കിയതിന്റെ റിപ്പോർട്ട് ഒരു മാസത്തിനകം സമർപ്പിക്കണമെന്നും V. Raja Vijayaraghavan, K. V. Jayakumar എന്നിവർ ഉൾപ്പെട്ട ഡിവിഷൻ ബെഞ്ച് സർക്കാരിനോട് നിർദേശിച്ചു.
അമിതഭാരം കയറ്റുന്ന ചരക്കുവാഹനങ്ങൾ മൂലമുള്ള അപകടസാധ്യത ചൂണ്ടിക്കാട്ടി Neerkazhcha Association ഡയറക്ടർ പി.ബി. സതീഷ് നൽകിയ ഹർജി പരിഗണിച്ചാണ് ഉത്തരവ്.
English Summary
The Kerala High Court has directed the state government to strictly enforce new SOPs to control overloaded goods vehicles on national highways. Vehicles will be weighed automatically near toll plazas, with suspicious cases verified on weighbridges. A fine of ₹20,000 plus ₹2,000 per extra tonne will be imposed. Repeated violations will lead to suspension or permanent cancellation of driving licences, and vehicles will be released only after excess load is shifted within 24 hours.
overloaded-vehicles-national-highways-kerala-fine-20000-sop-high-court
Kerala High Court, overloaded vehicles, national highways, traffic rules, vehicle fine, road safety, SOP, driving licence suspension, toll plaza, transport department
