‘സിപിഎം അധികം കളിക്കരുത്. കേരളം ഞെട്ടിപ്പോകും… വരുന്നുണ്ട്, നോക്കിക്കോ’…മുന്നറിയിപ്പുമായി വി.ഡി. സതീശൻ
കോഴിക്കോട്: സിപിഎമ്മിനെതിരെ കടുത്ത വിമർശനവുമായി പ്രതിപക്ഷ നേതാവ് വി.ഡി. സതീശൻ. “കേരളം ഞെട്ടിപ്പോകുന്ന വാർത്ത അധികം താമസിക്കാതെ പുറത്തുവരും. അതിനായി കാത്തിരിക്കാം” – മാധ്യമങ്ങളോട് സംസാരിക്കുമ്പോൾ അദ്ദേഹം പറഞ്ഞു.
“എന്റെ സംസാരം കേട്ട് ഭീഷണിപ്പെടുത്തുകയാണെന്ന് കരുതേണ്ട. സിപിഎം ഇതിൽ അധികം കളിക്കരുത്. കേരളം ഞെട്ടിപ്പോകും… വരുന്നുണ്ട്… നോക്കിക്കോ… അതിന് വലിയ താമസം വേണ്ട. ഞാൻ പറഞ്ഞത് വൈകാറില്ല” – വി.ഡി. സതീശൻ വ്യക്തമാക്കി.
അതേസമയം, ബിജെപിക്കുമെതിരെ അദ്ദേഹം മുന്നറിയിപ്പ് ഉന്നയിച്ചു. കാളയുമായി ബിജെപി കാന്റോൺമെന്റ് ഹൗസിലേക്ക് നടത്തിയ പ്രകടനം പരാമർശിച്ച അദ്ദേഹം.
“ആ കാളയെ കളയാതെ ബിജെപി ഓഫിസിനു മുന്നിൽ കെട്ടിയിടണം. ഉടൻ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിന്റെ വീട്ടിലേക്ക് അതേ കാളയുമായി പ്രകടനം നടത്തേണ്ട സാഹചര്യം ബിജെപിക്കാർക്ക് ഉണ്ടാകും. അതിനായി കാത്തിരിക്കൂ” – എന്നും പറഞ്ഞു.
തിരഞ്ഞെടുപ്പിന് മുമ്പ് വിവരങ്ങൾ പുറത്ത് വരുമോയെന്ന ചോദ്യത്തിന് മറുപടി നൽകവെ, “തിരഞ്ഞെടുപ്പിന് ഇനിയും സമയം ഉണ്ടല്ലോ. അത്രയും ദിവസം ഒന്നും പറയാതെ പോകാനാകുമോ?” – എന്നാണ് വി.ഡി. സതീശന്റെ മറുപടി.
ധനമന്ത്രി സമ്പൂർണ പരാജയമെന്ന് വി.ഡി.സതീശൻ ; ട്രഷറിയിൽ പൂച്ച പെറ്റുകിടക്കുകയല്ല കേന്ദ്രം അവഗണിക്കുന്നുവെന്ന് ധനമന്ത്രി
ധനമന്ത്രി സമ്പൂർണ പരാജയമെന്ന് പ്രതിപക്ഷ നേതാവ് വി.ഡി.സതീശൻ. സപ്ലൈകോയ്ക്ക് ആറ് മാസമായി പണം നൽകിയിട്ടില്ല. പഞ്ചായത്തിൽ പുല്ല് വെട്ടിയാൽ പോലും പണം കൊടുക്കാനാവില്ല.
ട്രഷറി പൂട്ടി താക്കോലും പോക്കറ്റിലിട്ടാണ് ധനമന്ത്രി നടക്കുന്നത്. ഓട പണിയാൻ പോലും പണമില്ലാത്ത സ്ഥിതി. പെൻഷൻ കുടിശ്ശിക കിട്ടാതെ ഒരുലക്ഷം പെൻഷൻകാർ മരിച്ചു.
പ്രതിസന്ധിയുണ്ടാക്കിയത് സർക്കാരിന്റെ ധൂർത്തും കെടുകാര്യസ്ഥതയും. കേരളം നികുതിവെട്ടിപ്പുകാരുടെ പറുദീസ, ജിഎസ്ടി ഉദ്യോഗസ്ഥർ വെറുതെയിരിക്കുന്നു.
എ.കെ.ആന്റണി മുണ്ടുമുറുക്കി ഉടുക്കാൻ പറഞ്ഞത് നായനാർ ഭരണത്തിനുശേഷം. ഇന്നത്തെ സ്ഥിതി അതിലും ഭീകരമെന്നും അടിയന്തരപ്രമേയ ചർച്ചയിൽ വി.ഡി.സതീശൻ പറഞ്ഞു.
കേന്ദ്രത്തിന് കേരളത്തോട് ചിറ്റമ്മ നയമെന്ന് ധനമന്ത്രി കെ.എൻ.ബാലഗോപാൽ പറഞ്ഞു.ട്രഷറിയിൽ പൂച്ച പെറ്റുകിടക്കുകയല്ല, എല്ലാ ചെലവുകൾക്കും പണംനൽകിയിട്ടുണ്ട്. കേന്ദ്രത്തിൽ നിന്ന് കിട്ടാനുള്ളത് 57,000 കോടി രൂപ.
ചർച്ചയിൽ കേരളത്തെ മാത്രം കുറ്റപ്പെടുത്തുന്ന പ്രതിപക്ഷ നിലപാട് ദൗർഭാഗ്യകരം. നികുതി വരുമാനം രണ്ടുവർഷം കൊണ്ട് 47,000 കോടിയിൽ നിന്ന് 71,000 കോടിയായെന്നും ധനമന്ത്രി പറഞ്ഞു.
Summary:
Kozhikode: Opposition leader V.D. Satheesan strongly criticized the CPI(M), stating that “a shocking news that will shake Kerala will come out soon. Let us wait for it.” He made the remark while speaking to the media.
