യുകെയിൽ ഇ വിസ പ്രാബല്യത്തില് വരാന് ഇനി ഏതാനും ദിവസങ്ങള് മാത്രം ആണ് അവശേഷിക്കുന്നത്. ലക്ഷക്കണക്കിന് കുടിയേറ്റക്കാരുടെ ഫിസിക്കല് ഐഡന്റിറ്റി രേഖകള് ഓണ്ലൈനില് ലഭ്യമാക്കുന്ന ഈ പദ്ധതി ഇനിമുതൽ ഒരു തിരിച്ചറിയൽ രേഖയായി കൂടി ഉപയോഗിക്കാൻ കഴിയും.
എന്നാൽ, മലയാളികൾ ഉൾപ്പെടെ ലക്ഷക്കണക്കിന് ആളുകള് ഇനിയും ഇതിനായി രജിസ്റ്റര് ചെയ്തിട്ടില്ല എന്നതാണ് യാഥാർഥ്യം. നിങ്ങള് ഒരു ബി ആര് പി ഉള്ള വ്യക്തിയാണെങ്കില്, അതല്ലെങ്കില്, ഏതെങ്കിലും വിധത്തിലുള്ള വിസയുള്ള ആളാണെങ്കില് ഇ വിസ നിര്ബന്ധമായും എടുക്കേണ്ടതുണ്ട് എന്നിരിക്കെ ഇതിനു വലിയ പ്രാധാന്യമുണ്ട്.
ഇ വിസ പദ്ധതിയിൽ രജിസ്റ്റര് ചെയ്തില്ലെങ്കില് പിന്നെ ഇമിഗ്രേഷന് സ്റ്റാറ്റസ് തെളിയിക്കാനാവില്ല എന്നതാവും നേരിടേണ്ടിവരുന്ന ഏറ്റവും വലയ വെല്ലുവിളി. യാത്ര ചെയ്യുവാനും, ജോലിയ്ക്കും. വീടുകള് വാടകയ്ക്ക് എടുക്കാനുമൊക്കെ ഇത് ഉപയോഗിക്കാന് കഴിയും എന്നതിനാൽ ഇനി ഇത് പ്രാധാന്യമുള്ള തിരിച്ചറിയൽ രേഖയായി മാറാൻ സാധ്യതയുണ്ട്.
ജൂണ് ഒന്നിനാണ് ഇതിനുള്ള അവസാന തീയതി. ഈ വര്ഷം ആദ്യം കാലാവധി തീർന്ന ഒരു ലക്ഷത്തോളം വിസകളില് ഭൂരിഭാഗവും സ്റ്റുഡന്റ് വിസകളായിരുന്നു. ഇവരെല്ലാം രാജ്യം വിട്ടോ അതോ പകരം വിസ അപേക്ഷിക്കുന്നതിനുള്ള തയ്യാറെടുപ്പിലാണോ എന്നതില് വ്യക്തതയില്ല. അതായത് ഏകദേശം ഏഴു ലക്ഷത്തോളം പേര് ഇനിയും ഇ വിസയ്ക്കായി അപേക്ഷിക്കാനുണ്ടെന്ന് അനുമാനിക്കാം.
എന്തു ചെയ്യണം ?
ഇ വിസ എടുക്കാനായി ഇതിനായി ആദ്യം നിങ്ങള് ചെയ്യേണ്ടത് ഒരു യുകെവിഐ അക്കൗണ്ട് ഉണ്ടാക്കുക. നിങ്ങളുടെ ബി ആര് പി നമ്പറോ, വിസ ആപ്ലിക്കേഷന് നമ്പറോ ഉപയോഗിച്ച് ഇത് നിങ്ങള്ക്ക് സാധിക്കാം.
തിരിച്ചറിയല് രേഖയായി പാസ്പോര്ട്ട് അല്ലെങ്കില് ബി ആര്പി കാര്ഡിന്റെ പകര്പ്പ് അപേക്ഷയോടൊപ്പം സമര്പ്പിക്കണം.
യുകെ ഇമിഗ്രേഷന് ഐ ചെക്ക് ആപ്പ് നിങ്ങളുടെ ഫോണില് ഇന്സ്റ്റാള് ചെയ്യുകയും വേണം. അതു കഴിഞ്ഞാല്, നിങ്ങള്ക്ക് ഇ വിസ ലഭ്യമാകുമ്പോള് നിങ്ങളെ അറിയിക്കും. അപ്പോള് അത് യുകെവിഐ അക്കൗണ്ടുമായി ബന്ധിപ്പിക്കണം.
ബിആര്പി ഉള്ളവാരാണെങ്കില്, ഇ വിസ ലഭിച്ചതിനു ശേഷവും അത് സൂക്ഷിക്കണം. നിങ്ങളുടെ ജനന തീയതി, ഈമെയില് വിലാസം, യുകെ ഫോണ് നമ്പര് എന്നിവയും അപേക്ഷയില് നല്കേണ്ടതുണ്ട്.
ഏകദേശം നാല്പത് ലക്ഷത്തോളം പേര്ക്ക് ഇ വിസ ആവശ്യമായി വരുമെന്നാണ് കണക്കാക്കുന്നത്. 2024 അവസാനം വരെ ഏകദേശം 32 ലക്ഷത്തോളം പേരാണ് ഇതിനായി രജിസ്റ്റര് ചെയ്തത്. മറ്റൊരു ഒരുക്ഷം പേര് ഇക്കഴിഞ്ഞ ജനുവരിയില് രജിസ്റ്റര് ചെയ്തിട്ടുമുണ്ട്.
