ഇടുക്കി രാജാപ്പാറയിലെ ബസ് കാത്തിരിപ്പ് കേന്ദ്രത്തിന് പിന്നിൽ നിന്നും ഒന്നരക്കിലോ ഉണക്ക കഞ്ചാവ് ഉടുമ്പൻചോല എക്സൈസ് സംഘം പിടിച്ചെടുത്തു. One and a half kilos of ganja seized at bus waiting center in Idukki
സർക്കിൾ ഇൻസ്പെക്ടർ ജി. വിജയകുമാറിന് ലഭിച്ച രഹസ്യവിവരത്തെ തുടർന്ന് നടത്തിയ അന്വേഷണത്തിലാണ് വെയിറ്റിംഗ് ഷെഡിന് പിന്നിലായി ബിഗ് ഷോപ്പറിനുള്ളിൽ പ്ലാസ്റ്റിക് ടേപ്പ് ഒട്ടിച്ച നിലയിൽ കഞ്ചാവ് കണ്ടെത്തിയത്.
ഓണം സ്പെഷ്യൽ ഡ്രൈവിനോട് അനുബന്ധിച്ച് തമിഴ്നാട് അതിർത്തി പ്രദേശങ്ങളിൽ പരിശോധനയും നിരീക്ഷണവും ശക്തമാക്കിയിരുന്നു. തമിഴ്നാട്ടിൽ നിന്നും കഞ്ചാവുമായി വനത്തിലൂടെ നടന്ന് വന്ന് കൈമാറ്റം ചെയ്യുന്നതിനായി വച്ചിരുന്നത് ആണ് പിടിച്ചെടുത്ത കഞ്ചാവ് എന്നാണ് പ്രാഥമിക നിഗമനം. പ്രതി ആരെന്ന് അറിവായിട്ടില്ല. അന്വേഷണം ആരംഭിച്ചു.
പരിശോധനയിൽ എ. ഇ. ഐ. മാരായ ജെ. പ്രകാശ് , സിജു , രതീഷ്കുമാർ , അനൂപ് , ലിജോ ജോസഫ് , അരുൺ മുരളീധരൻ , ഷിബു ജോസഫ് എന്നിവർ പങ്കെടുത്തു.
