കെ രാധാകൃഷ്ണന് രാജിവെച്ച ഒഴിവില് മാനന്തവാടി എംഎല്എ ഒ ആര് കേളു മന്ത്രിയാകും. പട്ടികജാതി-പട്ടിക വര്ഗ ക്ഷേമ വകുപ്പാണ് കേളുവിന് ലഭിക്കുക. രണ്ടു തവണ എംഎല്എയായ കേളു നിലവില് സിപിഎം സംസ്ഥാന സമിതി അംഗമാണ്. പട്ടിക വര്ഗത്തില് നിന്നുള്ള ആളുമാണ് ഒ ആര് കേളു. (K Radhakrishnan will replace OR Kelu in assembly)
പട്ടിക വര്ഗത്തില് നിന്നും സിപിഎം സംസ്ഥാന സമിതിയില് ഇടംനേടുന്ന ആദ്യ നേതാവു കൂടിയാണ് ഒ ആര് കേളു. കുന്നത്തുനാട് എംഎല്എ പിവി ശ്രീനിജിന്, ബാലുശ്ശേരി എംഎല്എ സച്ചിന്ദേവ്, തരൂര് എംഎല്എ പിപി സുമോദ്, കോങ്ങാട് എംഎല്എ ശാന്തകുമാരി തുടങ്ങിയവരും പരിഗണിക്കപ്പെടുന്നവരില് ഉൾപ്പെട്ടിരുന്നു. എന്നാൽ പാർട്ടിയിലെ സീനിയർ എന്ന നിലയിൽ കേളുവിന് മന്ത്രിസ്ഥാനം നൽകാൻ തീരുമാനിക്കുകയായിരുന്നു.
അതേസമയം കെ രാധാകൃഷ്ണൻ വഹിച്ച എല്ലാ വകുപ്പുകളും കേളുവിന് ലഭിക്കില്ല. രാധാകൃഷ്ണൻ കൈകാര്യം ചെയ്തിരുന്ന ദേവസ്വം വകുപ്പ് വി എൻ വാസവനും പാർലമെന്ററി കാര്യ വകുപ്പ് എംബി രാജേഷിനും നൽകാൻ തീരുമാനിച്ചതായാണ് സൂചന. യുഡിഎഫ് സർക്കാരിൽ പി കെ ജയലക്ഷ്മി മന്ത്രിയായ ശേഷം പട്ടിക വർഗ വിഭാഗത്തിൽ നിന്നും മന്ത്രിയാകുന്ന നേതാവാണ് കേളു.
Read More: കേസുകളുടെ നടത്തിപ്പിനോട് ഉദാസീനത; കോടതിയോട് അനാദരവ്; രൂക്ഷവിമർശനവുമായി ഹൈക്കോടതി
