കോൺടാക്‌ടിലുളള ആരെല്ലാം ഓൺലൈനിൽ വന്നു എന്നറിയാനുളള എളുപ്പവഴിയുമായി വാട്‌സ്‌ആപ്പ്. അല്പസമയം മുമ്പ് വരെ ഓണ്‍ലൈനില്‍ ഉണ്ടായിരുന്ന കോണ്‍ടാക്ടുകള്‍ ഏതെല്ലാമെന്ന്‌ വാട്സാപ്പിന്റെ പുതിയ ഫീച്ചർ വഴി അറിയാൻ കഴിയും. വാട്‌സ്‌ആപ്പ് ഫീച്ചര്‍ ട്രാക്കിങ് വെബ്‌സൈറ്റായ വാബീറ്റാ ഇന്‍ഫോയാണ് ഫീച്ചർ പരീക്ഷിച്ച വിവരം പുറത്തുവിട്ടത്‌. ചാറ്റിൽ ഉപഭോക്താക്കളുടെ താത്‌പര്യവും ഇടപെടലും വർദ്ധിപ്പിക്കുകയാണ്‌ ഇതിലൂടെ വാട്സാപ്പിന്റെ ലക്ഷ്യം.
ഈ ഓപ്‌ഷൻ കാണാനായി ന്യൂ ചാറ്റ് ബട്ടന്‍ ക്ലിക്ക് ചെയ്യണം. ഫീച്ചര്‍ നിലവില്‍ വന്നാല്‍ ഓരോ കോണ്‍ടാക്റ്റിന്റെയും ആക്ടിവിറ്റി സ്റ്റാറ്റസ് പരിശോധിക്കേണ്ടി വരില്ല. ചാറ്റ് ലിസ്റ്റിൻ്റെ ചുവടെ സ്ഥാനം പിടിച്ചിരിക്കുന്ന കോൺടാക്‌ടുകൾ നിലവിലുള്ള ചാറ്റുകൾ തടസ്സപ്പെടുത്താതെ തന്നെ പുതിയ സംഭാഷണങ്ങളിലേക്ക് അനായാസം കടന്നുവരാൻ പുതിയ ഫീച്ചർ സഹായിക്കും. നിലവില്‍ വാട്‌സ്‌ആപ്പ് അപ്‌ഡേറ്റ്‌ ചെയ്‌ത ചുരുക്കം ചില ബീറ്റാ ടെസ്റ്റര്‍മാര്‍ക്കിടയില്‍ മാത്രമാണ് ഈ ഫീച്ചര്‍ ലഭ്യമായിട്ടുളളത്‌.
ആശയവിനിമയം നടത്താത്ത ഉപയോക്താക്കൾക്ക് വാട്ട്‌സ്ആപ്പ് കോൺടാക്റ്റുകൾ ശുപാർശ ചെയ്യുന്ന ഫീച്ചറും വാട്‌സാപ്പ് അവതരിപ്പിക്കുന്നതായി റിപ്പോർട്ടുകൾ ഉണ്ടായിരുന്നു. തിരഞ്ഞെടുത്ത ബീറ്റ ടെസ്റ്റർമാർക്ക് ഈ പുതിയ ഫീച്ചറിലേക്ക് ആക്‌സസ് നൽകിയിട്ടുണ്ടെന്നും ഇത് സന്ദേശമയയ്‌ക്കൽ അനുഭവം മെച്ചപ്പെടുത്താൻ ലക്ഷ്യമിട്ടുള്ളതാണെന്നും വാട്‌സ്‌ആപ്പ് ബീറ്റ ഇൻഫോ വ്യക്തമാക്കി.
