മൂക്കിന് ശസ്ത്രക്രിയയ്ക്ക് ഷേവിംഗ് വേണ്ടെ
കഴിഞ്ഞ രണ്ട് ദിവസങ്ങളായി ഏറ്റവും കൂടുതൽ ചർച്ച ചെയ്യപ്പെടുന്ന വിഷയമാണ് ഷാഫി പറമ്പില്‍ എംപിയുടെ മൂക്കിന്റെ പൊട്ടലും ശസ്ത്രക്രിയയും.
കഴിഞ്ഞ ദിവസം പേരാമ്പ്രയില്‍ നടന്ന കോണ്‍ഗ്രസ്-പൊലീസ് സംഘര്‍ഷത്തിനിടെയാണ് ഷാഫി പറമ്പിൽ എംപിക്ക് പരിക്കേറ്റത്. അദ്ദേഹം ഇപ്പോൾ സുഖം പ്രാപിച്ച് വരികയാണ്.
എന്നാൽ ഷാഫി പറമ്പിലിന് പരിക്കേറ്റുവെന്നതും ശസ്ത്രക്രിയ നടന്നുവെന്നതും കെട്ടച്ചമച്ചതാണെന്നും പ്രചരിച്ചിരുന്നു.
പേരാമ്പ്രയിൽ യുഡിഎഫ് – സിപിഎം പ്രതിഷേധ പ്രകടനങ്ങൾക്കിടെ പൊലീസ് നടത്തിയ ലാത്തിച്ചാർജിൽ പരിക്കേറ്റ ഷാഫി പറമ്പിൽ എംപിയെ അടിയന്തിര ശസ്ത്രക്രിയക്ക് വിധേയനാക്കി.
ഷാഫിയുടെ മൂക്കിന്റെ എല്ലിന് പൊട്ടലുണ്ടെന്നാണ് വിവരം. സ്വകാര്യ ആശുപത്രിയിൽ നടത്തിയ പരിശോധനയിലാണ് മൂക്കിന്റെ പൊട്ടൽ കണ്ടെത്തിയത്.
പിന്നാലെയാണ് അടിയന്തിര ശസ്ത്രക്രിയക്ക് വിധേയനാക്കിയത്. ഷാഫിക്ക് 5 ദിവസത്തെ വിശ്രമം വേണമെന്നാണ് ഡോക്ടർമാർ അറിയിച്ചത്.
മൂക്കിന് ശസ്ത്രക്രിയയ്ക്ക് മുന്നേ താടി ഷേവ് ചെയ്യണ്ടെ എന്നാണ് പുതിയ ചോദ്യം.
അവതാരകമാർ മുതൽ സാധാരണ യുവാക്കളുവരെയും — മുഖസൗന്ദര്യം കൂട്ടാൻ മൂക്കിന് സർജറി ചെയ്യുന്നത് ഇപ്പോൾ ഇന്ത്യയിൽ സാധാരണ സംഭവമാണ്.
എന്നാൽ പുരുഷന്മാർ മൂക്കിലെ പ്ലാസ്റ്റിക് സർജറി ചെയ്യുമ്പോൾ താടിയും മീശയും ഷേവ് ചെയ്യണമെന്ന് ചില ഡോക്ടർമാർ നിർദേശിക്കുന്നതും, അതിൽ രോഗികൾക്കിടയിൽ ആശയക്കുഴപ്പമുണ്ടാകുന്നതും ശ്രദ്ധേയമാണ്.
ശസ്ത്രക്രിയയ്ക്ക് മുൻപ് ഷേവ് ചെയ്യേണ്ടതുണ്ടോ?
സാധാരണയായി ശരീരത്തിന്റെ ഏത് ഭാഗത്തും ശസ്ത്രക്രിയയ്ക്ക് മുമ്പായി ആ ഭാഗം വൃത്തിയാക്കുകയും, ആവശ്യമെങ്കിൽ മുടിയോ രോമങ്ങളോ നീക്കം ചെയ്യുകയും ചെയ്യുന്നതാണ് മെഡിക്കൽ പ്രോട്ടോകോൾ.
മൂക്കിന് ശസ്ത്രക്രിയ ചെയ്യുമ്പോൾ മുഖഭാഗം വൃത്തിയായി സൂക്ഷിക്കേണ്ടതും അതിനാൽ ചില ഡോക്ടർമാർ താടി ഷേവ് ചെയ്യാൻ ശുപാർശ ചെയ്യുന്നതുമാണ് പതിവ്.
പക്ഷേ, മൂക്കിന്റെ ശസ്ത്രക്രിയയ്ക്കായി താടിയും മീശയും പൂർണ്ണമായി ഷേവ് ചെയ്യേണ്ടതില്ല എന്നാണ് വിദഗ്ധർ വ്യക്തമാക്കുന്നത്.
ശസ്ത്രക്രിയ നടത്തുന്ന ഭാഗം വൃത്തിയായി സൂക്ഷിക്കാനും ശസ്ത്രക്രിയയ്ക്കുശേഷം രക്തം അല്ലെങ്കിൽ സ്രവങ്ങൾ അടിഞ്ഞുകൂടാതിരിക്കാൻ ഷേവ് ചെയ്യുന്നത് സഹായകമാണെന്നും അവർ പറയുന്നു.
അണുബാധാ സാധ്യത കുറയ്ക്കൽ
താടിയും മീശയുമുള്ള രോമങ്ങൾ ശസ്ത്രക്രിയാ സ്ഥലത്ത് അണുബാധയ്ക്ക് കാരണമാകാമെന്ന് ചില പഠനങ്ങൾ വ്യക്തമാക്കുന്നു.
അതുകൊണ്ടാണ് ശസ്ത്രക്രിയാ സംഘങ്ങൾ സാധാരണയായി ആ ഭാഗം വൃത്തിയാക്കുന്നത്.
ശസ്ത്രക്രിയ കഴിഞ്ഞാൽ മുറിവിൽ തുന്നലുകളും ഡ്രസ്സിംഗും പ്രയോഗിക്കുമ്പോൾ രോമങ്ങളുടെ സാന്നിധ്യം പ്രായോഗിക ബുദ്ധിമുട്ടുകൾ സൃഷ്ടിക്കാമെന്നതും സത്യമാണ്.
എന്നാൽ മറുവശത്ത്, താടി ഷേവ് ചെയ്യുന്നത് തന്നെ ചിലപ്പോൾ അപകടസാധ്യത വർധിപ്പിക്കാമെന്ന് ചില മെഡിക്കൽ വിദഗ്ധർ അഭിപ്രായപ്പെടുന്നു.
കാരണം, ഷേവിങ്ങ് ചെയ്യുമ്പോൾ ചർമ്മത്തിൽ സൂക്ഷ്മമായ പരിക്കുകൾ ഉണ്ടാകാം. അവ വഴി ബാക്ടീരിയകൾ പ്രവേശിച്ച് അണുബാധയ്ക്കുള്ള സാധ്യത വർധിക്കും.
ഷേവിങ് ചെയ്യുന്നതിന് പകരം എന്ത് ചെയ്യാം?
ഇതിനാൽ, ഇപ്പോഴത്തെ മാർഗ്ഗനിർദ്ദേശങ്ങൾ പ്രകാരം റേസറിന് പകരം ക്ലിപ്പറുകൾ ഉപയോഗിച്ച് രോമം മുറിക്കുന്നത് കൂടുതൽ സുരക്ഷിതമാണെന്ന് വിദഗ്ധർ പറയുന്നു.
ക്ലിപ്പർ ഉപയോഗിക്കുമ്പോൾ ചർമ്മത്തിന് നേരിട്ടുള്ള ആഘാതം ഉണ്ടാകാതെ മുടി മുറിയുന്നതിനാൽ അണുബാധാ സാധ്യത കുറയുന്നു.
മറ്റൊരു രീതി ഡെപിലേറ്ററി ക്രീമുകൾ ഉപയോഗിച്ച് രോമം നീക്കം ചെയ്യുന്നതാണ്. രാസവസ്തുക്കൾ അടങ്ങിയ ഈ ക്രീമുകൾ മുടി അലിഞ്ഞുപോകാൻ സഹായിക്കും.
എന്നാൽ ഇവ ഉപയോഗിക്കുമ്പോൾ അലർജി പോലുള്ള പ്രതികരണങ്ങൾ ഉണ്ടാകാനുള്ള സാധ്യതയുണ്ട്.
കൂടാതെ ക്രീം ഏകദേശം 15–20 മിനിറ്റ് സ്ഥലത്ത് വെച്ചിരിക്കേണ്ടതും പ്രായോഗികമായി ചില ആശുപത്രികൾക്ക് ബുദ്ധിമുട്ടാണ്. അതിനാൽ വലിയ ശസ്ത്രക്രിയകൾക്ക് ഈ രീതി സാധാരണ പിന്തുടരാറില്ല.
താടിയും മീശയും വൃത്തിയായി സൂക്ഷിക്കലാണ് പ്രധാനമായത്
മൊത്തത്തിൽ നോക്കുമ്പോൾ,
മൂക്കിന്റെ ശസ്ത്രക്രിയയ്ക്ക് മുൻപ് താടിയോ മീശയോ പൂർണമായി ഷേവ് ചെയ്യേണ്ടതില്ലെങ്കിലും,
മുഖം വൃത്തിയായി സൂക്ഷിക്കുകയും രോമങ്ങൾ ശസ്ത്രക്രിയാ പ്രദേശത്തെ ബാധിക്കാതിരിക്കാനുള്ള മുൻകരുതലുകൾ എടുക്കുകയും ചെയ്യുന്നത് ആവശ്യമാണ്.
ഡോക്ടറുടെ നിർദേശമനുസരിച്ച് റേസർ, ക്ലിപ്പർ അല്ലെങ്കിൽ ക്രീം എന്നിവയിൽ ഏറ്റവും അനുയോജ്യമായ രീതി തിരഞ്ഞെടുക്കാം.
പ്രധാനമായും, അണുബാധ ഒഴിവാക്കുകയും ശസ്ത്രക്രിയാ സ്ഥലം ശുചിയായി നിലനിർത്തുകയും ചെയ്യുന്നതാണ് ലക്ഷ്യം.
English Summary:
Before nose surgery, should men shave their beard or moustache? Experts explain why complete shaving isn’t always necessary and how cleanliness and infection control matter more.
