പിവി അൻവറിന്റെ ഉടമസ്ഥതയിലുള്ള കക്കാടംപൊയിലിലെ പാർക്കിന് ലൈസൻസ് ഇല്ലെന്ന് സർക്കാർ ഹൈക്കോടതിയിൽ അറിയിച്ചു. ലൈസൻസ് ഇല്ലാതെ എങ്ങനെ പാർക്ക് പ്രവർത്തിക്കും എന്ന് കോടതി സര്ക്കാരിനോട് ചോദിച്ചു. ഇതുസംബന്ധിച്ച് നാളെ മറുപടി നല്കണമെന്നും സര്ക്കാറിന് നിര്ദേശം നല്കി. അപേക്ഷയിലെ പിഴവ് കാരണമാണ് ലൈസൻസ് നൽകാത്തത് എന്നായിരുന്നു സർക്കാർ പറഞ്ഞത്. ലൈസൻസിനായി അപേക്ഷ നൽകിയിട്ടുണ്ടെന്നും സർക്കാർ അറിയിച്ചു. പാർക്ക് അടച്ചുപൂട്ടണമെന്ന് ഹർജിക്കാർ കോടതിയോട് ആവശ്യപ്പെട്ടു. ഹർജി നാളെ വീണ്ടും പരിഗണിക്കും. യാതൊരു ലൈസൻസുമില്ലാതെയാണ് പാർക്ക് പ്രവർത്തിക്കുന്നതെന്ന് ഹർജിക്കാർ ആരോപിച്ചു. കലക്ടർ അടച്ചുപൂട്ടിയ പാർക്ക് സർക്കാരാണ് തുറന്ന് നൽകിയതെന്നാണ് ഹർജിയിൽ ആരോപിക്കുന്നത്.
Also Read: വരുന്നു, ‘ആക്ഷൻ ഹീറോ ബിജു’ രണ്ടാം ഭാഗം ; പ്രഖ്യാപനവുമായി നിവിൻ പോളി
