ബലാത്സംഗക്കേസിൽ ക്ലീന് ചിറ്റ് ലഭിച്ചതിന് പിന്നാലെ പ്രതികരണവുമായി നടൻ നിവിൻ പോളി. എന്നിലർപ്പിച്ച വിശ്വാസത്തിന് നന്ദിയെന്ന് അദ്ദേഹം ഫെയ്സ്ബുക്കിൽ കുറിച്ചു. നിങ്ങളോരോരുത്തരുടേയും പ്രാർഥനകൾക്ക് ഹൃദയത്തിൽ നിന്ന് നന്ദിയെന്നും അദ്ദേഹം അറിയിച്ചു. Nivin pauli reacts in case
എന്നിലർപ്പിച്ച വിശ്വാസത്തിനും, ഒപ്പം നിന്നതിനും, നിങ്ങളോരോരുത്തരുടേയും പ്രാർഥനകൾക്കും ഹൃദയത്തിൽ നിന്ന് നന്ദി, നിവിൻ ഫെയ്സ്ബുക്കിൽ കുറിച്ചു.
യുവതിയുടെ പരാതിയുടെ അടിസ്ഥാനത്തില് നിവിന് പോളി ഉള്പ്പടെ ആറുപേരുടെ പേരിലാണ് ഊന്നുകല് പോലീസ് കേസെടുത്തിരുന്നത്. ദുബായില് ജോലി ചെയ്യുന്ന നേര്യമംഗലം സ്വദേശിനിയാണ് പരാതി നല്കിയത്.
യുവതിയെ ദുബായില് ജോലിക്കുകൊണ്ടുപോയ ശ്രേയ എന്ന യുവതിയാണ് ഒന്നാംപ്രതി. നിവിന് പോളിയുടെ സുഹൃത്ത് തൃശ്ശൂര് സ്വദേശി സുനില്, ബഷീര്, കുട്ടന്, ബിനു തുടങ്ങിയവരാണ് മറ്റു പ്രതികള്.
എന്നാൽ, അന്വേഷണത്തിന്റെ അടിസ്ഥാനത്തില് കൃത്യം നടന്ന സമയത്തോ ദിവസമോ നിവിന് പോളി അവിടെ ഉണ്ടായിരുന്നില്ലെന്ന് തെളിഞ്ഞതായി കേസ് അന്വേഷിച്ച ഡിവൈഎസ്പി കോതമംഗലം ഒന്നാം ക്ലാസ്സ് മജിസ്ട്രേറ്റ് കോടതിയില് റിപ്പോര്ട്ട് നല്കി.
