എട്ടാം ക്ലാസ് വിദ്യാർത്ഥിനിയെ ക്യാമ്പിനിടെ പീഡിപ്പിച്ച് എൻസിസി ഉദ്യോഗസ്ഥൻ. തമിഴ്നാട്ടിലെ കൃഷ്ണഗിരി ജില്ലയിൽ ആണ് സംഭവം. സംഭവം മറച്ചുവയ്ക്കാൻ ശ്രമിച്ചതിന് ഒരു സ്വകാര്യ സ്കൂൾ പ്രിൻസിപ്പലിനെയും മറ്റ് ആറ് പേരെയും ബർഗൂർ പൊലീസ് അറസ്റ്റ് ചെയ്തു.NCC officer molested 8th class student during the camp.
ക്യാമ്പിലുണ്ടായിരുന്ന ശിവരാമൻ (30) 13കാരിയെ സ്‌കൂളിൽ വച്ച് ലൈംഗികമായി പീഡിപ്പിച്ചെന്നാണ് പരാതിയിൽ പറയുന്നത്. ഇക്കഴിഞ്ഞ ഓഗസ്റ്റ് ആഞ്ച് മുതൽ ഒമ്പത് വരെ നടന്ന എൻസിസി ക്യാമ്പിൽ വസ്ച്ചാണ് പീഡനം നടന്നത്. ഓഗസ്റ്റ് എട്ടിനായിരുന്നു സംഭവം നടന്നതെന്നാണ് പൊലീസ് പറയുന്നു.
പീഡനത്തിനിരയായ 13കാരി ഉൾപ്പടെ 16 വിദ്യാർത്ഥികളാണ് ക്യാമ്പിൽ പങ്കെടുത്തത്. ക്യാമ്പിൽ പങ്കെടുത്ത എല്ലാ വിദ്യാർത്ഥിനികളും സ്കൂൾ ഓഡിറ്റോറിയത്തിലാണ് രാത്രി ഉറങ്ങിയത്. ഇതിനിടെയായിരുന്നു പീഡനം.
ക്യാമ്പ് കഴിഞ്ഞ് വീട്ടിലെത്തിയ പെൺകുട്ടിയുടെ ആരോഗ്യനില മോശമായി. ആശുപത്രിയിൽ ചികിത്സയ്‌ക്കെത്തിയപ്പോഴാണ് പെൺകുട്ടി പീഡനവിവരം പുറത്തുപറയുന്നത്. തുടർന്ന് പൊലീസ് നടത്തിയ അന്വേഷണത്തിൽ എൻസിസി ഉദ്യോഗസ്ഥൻ പെൺകുട്ടിയെ പീഡിപ്പിച്ചതായി കണ്ടെത്തി.
സംഭവത്തെക്കുറിച്ച് പെൺകുട്ടി ആദ്യം പ്രിൻസിപ്പലിനോട് പരാതിപ്പെട്ടെങ്കിലും ആരോടും പറയരുതെന്ന നിർദ്ദേശമാണ് നൽകിയത്. നാം തമിഴർ പാർട്ടിയുടെ (എൻടികെ) യുവജന വിഭാഗത്തിന്റെ കൃഷ്ണഗിരി ഈസ്റ്റ് ജില്ലാ സെക്രട്ടറി കൂടിയാണ് പ്രതി ശിവരാമൻ.
സംഭവത്തിന് പിന്നാലെ എൻടികെ അദ്ധ്യക്ഷൻ സീമാൻ പാർട്ടിയിൽ നിന്ന് ശിവരാമനെ പുറത്താക്കി. കേസിൽ കൂടുതൽ അന്വേഷണങ്ങൾ നടന്നുവരികയാണ്. സംഭവവുമായി ബന്ധപ്പെട്ട് രക്ഷിതാക്കളുടെ പരാതിയുടെ അടിസ്ഥാനത്തിലാണ് പൊലീസ് കേസെടുത്ത് അന്വേഷണം ആരംഭിച്ചത്.
