എനിക്ക് ആറു കുട്ടികളുണ്ട്, നിങ്ങൾക്ക് നാല് കുട്ടികൾ വേണമെങ്കിൽ അതിന് ആരാണ് തടയുന്നത്? ബിജെപി നേതാവിന് ഒവൈസിയുടെ മറുപടി
കുട്ടികളുടെ എണ്ണം വർധിപ്പിച്ച് രാജ്യം പിടിച്ചെടുക്കാൻ ചിലർ ശ്രമിക്കുന്നുവെന്ന ബിജെപി നേതാവ് നവനീത് റാണയുടെ ആരോപണം പുതിയ രാഷ്ട്രീയ വിവാദങ്ങൾക്ക് തുടക്കം കുറിക്കുകയാണ്.
ഹിന്ദുക്കൾ കൂടുതൽ കുട്ടികൾക്ക് ജന്മം നൽകണമെന്ന നവനീത് റാണയുടെ പരാമർശത്തിന് ശക്തമായ മറുപടിയുമായി എഐഎംഐഎം അധ്യക്ഷൻ അസദുദ്ദീൻ ഒവൈസി രംഗത്തെത്തി.
‘എനിക്ക് ആറു കുട്ടികളുണ്ട്. നിങ്ങൾക്ക് നാല് കുട്ടികൾ വേണമെങ്കിൽ അതിന് ആരാണ് തടയുന്നത്?’ എന്നായിരുന്നു ഒവൈസിയുടെ ചോദ്യം.
ഇന്ത്യയെ പാകിസ്ഥാനാക്കാൻ ചിലർ ശ്രമിക്കുന്നുണ്ടെന്നും, അത് തടയാൻ ഹിന്ദുക്കൾ കുറഞ്ഞത് മൂന്നോ നാലോ കുട്ടികൾക്കെങ്കിലും ജന്മം നൽകണമെന്നും നവനീത് റാണ കഴിഞ്ഞ മാസം പറഞ്ഞിരുന്നു.
ചിലർക്ക് നാല് ഭാര്യമാരും 19 കുട്ടികളുമുണ്ടെന്ന തരത്തിലുള്ള പരാമർശവും അവർ നടത്തിയിരുന്നു. ഇതിനെതിരെയാണ് ഒവൈസിയുടെ പ്രതികരണം.
മഹാരാഷ്ട്രയിൽ രണ്ടിലധികം കുട്ടികളുള്ളവർക്ക് പഞ്ചായത്ത് തിരഞ്ഞെടുപ്പിൽ മത്സരിക്കാൻ കഴിയില്ലെന്ന നിയമം നിലവിലുണ്ടെന്ന് ഒവൈസി ചൂണ്ടിക്കാട്ടി. തെലങ്കാനയിലും സമാന നിയമം ഉണ്ടായിരുന്നെങ്കിലും പിന്നീട് അത് പിൻവലിച്ചതായും അദ്ദേഹം പറഞ്ഞു.
അതേസമയം, ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡുവും അടുത്തിടെ കൂടുതൽ കുട്ടികൾ വേണമെന്ന് ആവശ്യപ്പെട്ടിരുന്നു. ആർഎസ്എസ് മേധാവി മോഹൻ ഭാഗവതിന്റെ സാന്നിധ്യത്തിലായിരുന്നു ആ പ്രസ്താവന.
English Summary
A political controversy has erupted following BJP leader Navneet Rana’s remarks urging Hindus to have more children to counter demographic changes. AIMIM chief Asaduddin Owaisi responded sharply, questioning who was stopping anyone from having more children. He also pointed out existing laws in Maharashtra that bar people with more than two children from contesting local body elections, adding context to the debate on population and politics.
navneet-rana-population-remark-owaisi-response
Navneet Rana, Asaduddin Owaisi, AIMIM, BJP, Population Politics, Maharashtra, Indian Politics
