കോട്ടയം: ക്ഷേത്രത്തില് പൂജിക്കാന് നല്കിയ നവരത്ന മോതിരം പണയം വെച്ച മേൽശാന്തിക്കെതിരെ നടപടി. തിരുവിതാംകൂര് ദേവസ്വം ബോര്ഡിനു കീഴിലുള്ള തിരുമൂഴിക്കുളം ദേവസ്വത്തിലെ ക്ഷേത്രത്തിലെ മേല്ശാന്തിയെയാണ് പരാതിയെ തുടർന്ന് സസ്പെന്ഡ് ചെയ്തത്. വൈക്കം ഡപ്യൂട്ടി കമ്മിഷണര് ഓഫിസിന്റെ പരിധിയിലുള്ള തിരുമൂഴിക്കുളം ദേവസ്വം മേല്ശാന്തി കെ പി വിനീഷിനെതിരെയാണ് നടപടി.
പറവൂർ സ്വദേശികളായ പ്രവാസി മലയാളി കുടുംബം പൂജിച്ചു നല്കാന് ഏല്പിച്ച ഒന്നര ലക്ഷം രൂപയുടെ നവരത്നമോതിരം സ്വകാര്യ ധനകാര്യ സ്ഥാപനത്തില് മേല്ശാന്തി പണയം വെക്കുകയായിരുന്നു. മോതിരം പൂജിക്കാൻ നൽകിയപ്പോൾ 21 ദിവസത്തെ പൂജ ചെയ്താല് കൂടുതല് ഉത്തമമാകുമെന്നു മേല്ശാന്തി കുടുംബത്തെ വിശ്വസിപ്പിച്ചു. എന്നാല്, പിന്നീട് പൂജകളുടെ പൂവും ചന്ദനവും മാത്രമാണു പ്രസാദമായി പട്ടില് പൊതിഞ്ഞു കിട്ടിയതെന്ന കുടുംബം പരാതിപ്പെട്ടു. ചോദിച്ചപ്പോൾ മോതിരം കൈമോശം വന്നെന്നാണ് മേല്ശാന്തിയുടെ മറുപടി.
തുടർന്ന് പ്രവാസിയും കുടുംബവും ദേവസ്വം കമ്മിഷണര്ക്കു പരാതി നല്കി. സ്വകാര്യ ധനകാര്യ സ്ഥാപനത്തില് മോതിരം പണയം വച്ചെന്നു മേല്ശാന്തി കമ്മീഷണറോട് കുറ്റ സമ്മതം നടത്തുകയായിരുന്നു. അന്വേഷണത്തിനിടയില് പിന്നീട് മേല്ശാന്തി മോതിരം തിരികെ നല്കി. എന്നാല് വിജിലന്സ് അന്വേഷണ റിപ്പോര്ട്ടിന്റെ അടിസ്ഥാനത്തില് ദേവസ്വം കമ്മിഷണറുടെ ഉത്തരവു പ്രകാരം മേല്ശാന്തിയെ സസ്പെന്ഡ് ചെയ്യുകയായിരുന്നു.
അതെ സമയം മോതിരം യഥാവിധി രസീത് എഴുതി വഴിപാടായി ക്ഷേത്രത്തില് ഏല്പിച്ചതല്ലെന്നും മേല്ശാന്തിയുമായി വഴിപാടുകാര് നേരിട്ട് ഇടപാട് നടത്തുകയായിരുന്നുവെന്ന് ദേവസ്വം അധികൃതര് പറഞ്ഞതെന്ന് അന്വേഷണ ഉദ്യോഗസ്ഥനായ വിജിലന്സ് എസ്ഐ അറിയിച്ചു.
Read Also: തലസ്ഥാനത്തെ വെള്ളപ്പൊക്കദുരിതം; 200കോടിയുടെ കേന്ദ്ര പദ്ധതിയുമായി രാജിവ് ചന്ദ്രശേഖര്
Read Also: മഴ മുന്നറിയിപ്പില് മാറ്റം, ഈ ആറ് ജില്ലകളില് ശക്തമായ മഴ; യെല്ലോ അലര്ട്ട്
Read Also: ഈ സ്ത്രീകൾ ചരിത്രം രചിക്കുകയാണ്; കാനിലെ ഇന്ത്യൻ ജേതാക്കളെ അഭിനന്ദിച്ച് രാഹുൽ ഗാന്ധി
