എംവിഡിയിൽ അച്ചടക്കവും സത്യസന്ധതയും അനിവാര്യം; ഉദ്യോഗസ്ഥർക്കു നിർദ്ദേശവുമായി കെ.ബി. ഗണേഷ് കുമാർ

എംവിഡിയിൽ അച്ചടക്കവും സത്യസന്ധതയും അനിവാര്യം; ഉദ്യോഗസ്ഥർക്കു നിർദ്ദേശവുമായി കെ.ബി. ഗണേഷ് കുമാർ

തിരുവനന്തപുരം: സാമ്പത്തിക ഇടപാടുകൾ നടക്കുന്ന വകുപ്പായതിനാൽ മോട്ടോർ വാഹന വകുപ്പ് (എംവിഡി) ഉദ്യോഗസ്ഥർ അച്ചടക്കം, സത്യസന്ധത, മാന്യമായ പെരുമാറ്റം എന്നിവയെ മുഖമുദ്രയാക്കണമെന്ന് ഗതാഗത വകുപ്പ് മന്ത്രി കെ.ബി. ഗണേഷ് കുമാർ.

തിരുവനന്തപുരം പോലീസ് ട്രെയിനിംഗ് കോളേജിൽ നടന്ന അസിസ്റ്റന്‍റ് മോട്ടോർ വെഹിക്കിൾ ഇൻസ്‌പെക്ടർമാരുടെ പാസിംഗ് ഔട്ട് പരേഡിൽ അഭിവാദ്യം സ്വീകരിച്ച് സംസാരിക്കുകയായിരുന്നു മന്ത്രി.

തിരുവനന്തപുരത്ത് ഇരട്ടകളുടെ അപൂർവ സംഗമം; കുഞ്ഞിന്‍റെ നൂലുകെട്ട് ആഘോഷമാക്കി സംസ്ഥാനമാകെ നിന്നുള്ള ട്വിൻസ്

യൂണിഫോം സേനയ്ക്ക് അച്ചടക്കം നിർബന്ധം

പോലീസ് ട്രെയിനിംഗിലൂടെ മികച്ച പരിശീലനം ലഭിച്ച ഉദ്യോഗസ്ഥർ അച്ചടക്കവും സത്യസന്ധതയും ഔദ്യോഗിക ജീവിതത്തിലും വ്യക്തിജീവിതത്തിലും പാലിക്കണമെന്ന് മന്ത്രി പറഞ്ഞു.

യൂണിഫോം സേനയിൽ അച്ചടക്കം നിർബന്ധമാണെന്നും, ജനങ്ങളോടുള്ള പെരുമാറ്റം എപ്പോഴും മാന്യമായിരിക്കണമെന്നും അദ്ദേഹം ഓർമ്മിപ്പിച്ചു.

സത്യസന്ധമായി ജോലി ചെയ്യാനുള്ള സാഹചര്യം നിലവിലുണ്ട്

സാമ്പത്തിക ക്രയവിക്രയങ്ങൾ നടക്കുന്ന വകുപ്പെന്ന നിലയിൽ പ്രത്യേക ജാഗ്രത ഉദ്യോഗസ്ഥർ പുലർത്തണമെന്നും, ഭയമില്ലാതെ സത്യസന്ധമായി ജോലി ചെയ്യാനുള്ള സാഹചര്യം നിലവിലുണ്ടെന്നും മന്ത്രി വ്യക്തമാക്കി.

ജനങ്ങളുടെ വിശ്വാസവും പിന്തുണയുമാണ് വകുപ്പിന്‍റെ പ്രധാന കരുത്ത് എന്നും അദ്ദേഹം കൂട്ടിച്ചേർത്തു.

ഡിജിറ്റലൈസേഷനിൽ മുന്നേറി കെ.എസ്.ആർ.ടി.സി; എംവിഡിക്കും കൂടുതൽ മുന്നേറ്റം

കെ.എസ്.ആർ.ടി.സി പൂർണ്ണമായും ഡിജിറ്റലായി മാറിയതായും, കമ്പ്യൂട്ടർ രംഗത്ത് ഗതാഗത വകുപ്പ് ഇനിയും മുന്നേറേണ്ടതുണ്ടെന്നും മന്ത്രി പറഞ്ഞു.

ഗതാഗത നിയമലംഘനങ്ങളുമായി ബന്ധപ്പെട്ട ഫോട്ടോ, വീഡിയോ കൈകാര്യം ചെയ്യൽ ഉൾപ്പെടെ നടപടികൾ കൂടുതൽ ലളിതമാക്കിയിട്ടുണ്ട്.

പുതിയ നിയമനങ്ങൾ ആദ്യം ഓഫീസുകളിൽ

പുതിയ നിയമനങ്ങൾ ആദ്യം ഓഫീസ് ചുമതലകളിലായിരിക്കും നൽകുക. ഇതിലൂടെ ഓഫീസ് പ്രവർത്തനങ്ങൾ കൃത്യമായി മനസ്സിലാക്കാൻ ഉദ്യോഗസ്ഥർക്ക് സാധിക്കുമെന്ന് മന്ത്രി വ്യക്തമാക്കി.

മോട്ടോർ വെഹിക്കിൾ ഇൻസ്‌പെക്ടർമാരുടെ ഒഴിവുകൾ വരുന്ന മുറയ്ക്ക് നിയമനം വേഗത്തിലാക്കുമെന്നും അറിയിച്ചു.

ഉന്നത ഉദ്യോഗസ്ഥരുടെ സാന്നിധ്യം

ചടങ്ങിൽ ഐ.ജി. ഗുഗുലോത്ത് ലക്ഷ്മണൻ, ട്രാൻസ്പോർട്ട് കമ്മീഷണർ നാഗരാജു ചക്കിലം, പോലീസ് ട്രെയിനിംഗ് കോളേജ് പ്രിൻസിപ്പൽ ജയശങ്കർ, വൈസ് പ്രിൻസിപ്പൽ അജയകുമാർ, അഡീഷണൽ ട്രാൻസ്പോർട്ട് കമ്മീഷണർ ഡോ. പ്രമോജ് ശങ്കർ എന്നിവർ പങ്കെടുത്തു. അസി. ട്രാൻസ്പോർട്ട് കമ്മീഷണർ ജോയ് വി നന്ദി അറിയിച്ചു.

English Summary

Transport Minister K.B. Ganesh Kumar urged Assistant Motor Vehicle Inspectors to uphold discipline, integrity, and courteous conduct, highlighting the sensitive nature of financial dealings in the Motor Vehicles Department. Speaking at the passing-out parade in Thiruvananthapuram, he noted KSRTC’s complete digital transition, emphasized further digitization of the transport department, and announced faster recruitments with initial office postings.