കോഴിക്കോട്: ചോദ്യം പേപ്പർ ചോർച്ച കേസിലെ അന്വേഷണം പുരോഗമിക്കുന്നതിനിടെ വീണ്ടും വാഗ്ദാനവുമായി എം എസ് സൊല്യൂഷന്സ്. 199 രൂപക്ക് സയന്സ് വിഷയങ്ങളില് എ പ്ലസ് എന്ന തലക്കെട്ടോടെയാണ് എം എസ് സൊല്യൂഷന്സ് രംഗത്തെത്തിയിരിക്കുന്നത്. എസ്എസ്എല്സി സയന്സ് വിഷയങ്ങളില് ഉറപ്പുള്ള ചോദ്യങ്ങളും ഉത്തരങ്ങളും വാട്സ്അപ്പ് വഴി നല്കാമെന്നാണ് പരസ്യത്തിൽ പറയുന്നത്.
എം എസ് സൊല്യൂഷന്സ് എസ്എസ്എല്സി എന്ന വാട്സ്ആപ്പ് ഗ്രൂപ്പിലൂടെയാണ് പരസ്യം പുറത്തു വന്നത്. കേസിലെ മുഖ്യപ്രതി സിഇഒ മുഹമ്മദ് ഷുഹൈബിന്റെ ഫോട്ടോ ഉള്പ്പെടുത്തിയാണ് പരസ്യം പ്രതൃക്ഷപ്പെട്ടത്. താല്പര്യം ഉള്ളവര് പരസ്യത്തിലുള്ള നമ്പറുകളില് ബന്ധപ്പെടണം. ആ സമയത്ത് പണം നല്കേണ്ട ക്യൂ ആര് കോഡും ഗൂഗിള് ഫോമും ലഭിക്കും. പണം നല്കിയ സ്ക്രീന് ഷോട്ട് നല്കിയാല് ഉടന് ചോദ്യപേപ്പറും ഉത്തരവും പിഡിഎഫ് ആയി ലഭിക്കും എന്നാണ് പരസ്യത്തിലെ വാഗ്ദാനം.
അതേസമയം ക്രിസ്മസ് പത്താംക്ലാസ് പരീക്ഷാ ചോദ്യപേപ്പര് ചോര്ച്ച കേസില് മുഹമ്മദ് ഷുഹൈബുമായി തെളിവെടുപ്പ് നടക്കുകയാണ്. കമ്പനി സി ഇ ഒ കൂടിയായ പ്രതിയെ മൂന്നുദിവസത്തേക്ക് ക്രൈം ബ്രാഞ്ചിന്റെ കസ്റ്റഡിയിൽ വിട്ടിരിക്കുകയാണ്.
