14 കാരനായ മകന് സ്കൂട്ടര് ഓടിക്കാൻ കൊടുത്ത ആര്സി ഉടമയായ അമ്മയ്ക്ക് 50000 രൂപ പിഴ ചുമത്തി മോട്ടോർ വാഹന വകുപ്പ്. തളിപ്പറമ്പ് കാക്കാഞ്ചാലിലെ പുതിയകത്ത് വീട്ടില് പി.റഹ്മത്തിനാണ് തളിപ്പറമ്പ് പോലീസാണ് പിഴ ചുമത്തിയത്. പ്രായപൂര്ത്തിയാകും മുമ്പ് ലൈസന്സില്ലാതെ സ്കൂട്ടര് ഓടിച്ചതിനാല് റഹ്മത്തിന്റെ മകന് ഇനി 25 വയസ് പൂര്ത്തിയായ ശേഷം മാത്രമേ ലൈസന്സെടുക്കാന് സാധിക്കൂ.
കഴിഞ്ഞ ദിവസം റഹ്മത്തിന്റെ 14 വയസുള്ള മകന് അപകടം വരുത്തുന്ന രീതിയില് കാക്കാഞ്ചാലില് സ്കൂട്ടര് ഓടിച്ചുവരുന്നത് ശ്രദ്ധയില്പ്പെട്ടതിനെത്തുടര്ന്ന് തളിപ്പറമ്പ് ട്രാഫിക്ക് എസ്ഐ ഷിബു എഫ് പോള് കസ്റ്റഡിയിലെടുക്കുകയായിരുന്നു. വാഹനത്തിന്റെ ആര്സി ഉടമ റഹ്മത്താണെന്ന് കണ്ടെത്തിയതിനെത്തുടര്ന്നാണ് അരലക്ഷം രൂപയും ലൈസന്സില്ലാതെ വാഹനം ഓടിച്ചതിന് അയ്യായിരം രൂപ പിഴയും ഉള്പ്പെടെഅടക്കാന് നിര്ദേശിച്ചത്.
