കോഴിക്കോട്: മൂന്നര വയസ്സുള്ള പെൺകുട്ടിയെ ഉപേക്ഷിച്ച് അമ്മ കടന്നുകളഞ്ഞു. കോഴിക്കോട് മെഡിക്കൽ കോളജിൽ ആണ് സംഭവം. ആശുപത്രിയിൽ ചികിത്സ തേടാനെത്തിയ കുഞ്ഞിനെയാണ് അമ്മ ഉപേക്ഷിച്ച് പോയത്.
പെൺകുട്ടിയുടെ ശരീരത്തിൽ ഗുരുതര പരിക്കുകളോടെയായിരുന്നു മെഡിക്കൽ കോളേജിൽ എത്തിച്ചിരുന്നത്. അതേസമയം കുട്ടിയെ അമ്മ നിരന്തരം ഉപദ്രവിക്കാറുണ്ടായിരുന്നു എന്ന് കുഞ്ഞിന്റെ പിതാവിന്റെ സഹോദരൻ പറയുന്നു.
കുട്ടിയുടെ അച്ഛൻ മാനന്തവാടി സ്വദേശിയുടെ മരണം നേരത്തെ സംഭവിച്ചിരുന്നു. ആന്ധ്ര സ്വദേശിയായ യുവതിയെയാണ് മാനന്തവാടി സ്വദേശി വിവാഹം കഴിച്ചിരുന്നത്.
അമ്മ ഉപേക്ഷിച്ചതോടെ കുഞ്ഞ് അനാഥയായിരിക്കുകയാണ്. അതേസമയം രണ്ടാമത്തെ കുഞ്ഞിനെ യുവതി വിറ്റുവെന്നും പൊലീസിന് പരാതി ലഭിച്ചിട്ടുണ്ട്. നിലവിൽ പൊലീസ് അന്വേഷണം തുടരുകയാണ്.
