ഒരു അരിമണിയേക്കാൾ ചെറിയ ബ്രെയിൻ ചിപ്പ്
ന്യൂറോ സാങ്കേതികവിദ്യയുടെ രംഗത്ത് വഴിത്തിരിവായി, ഒരു അരിമണിയേക്കാൾ ചെറുതായ ബ്രെയിൻ ചിപ്പ് മനുഷ്യ തലച്ചോറിൽ വിജയകരമായി പ്രവർത്തിപ്പിക്കാൻ കഴിയുന്ന രൂപത്തിൽ വികസിപ്പിച്ച് ശാസ്ത്രലോകം.
മനുഷ്യന്റെ മുടിയേക്കാൾ നേർത്ത ഈ അത്യന്തം സൂക്ഷ്മ ചിപ്പ്, തലച്ചോറിലെ വൈദ്യുത സിഗ്നലുകൾ വായിച്ച് അവയെ ഇൻഫ്രാറെഡ് പ്രകാശ സിഗ്നലുകളായി പുറത്തെത്തിക്കാൻ ശേഷിയുള്ളതാണ്.
MOTE (Microscale Optoelectronics Tetherless Electrode) എന്നാണ് ഉപകരണത്തിന് പേര് നൽകിയിരിക്കുന്നത്.
ഇതോടെ ലോകത്തിലെ ഏറ്റവും ചെറുതും വയർ ഇല്ലാത്തതുമായ ബ്രെയിൻ ഇംപ്ലാൻറ് എന്ന നേട്ടവും MOTE സ്വന്തമാക്കി.
കോർണൽ യൂണിവേഴ്സിറ്റിയിലെ ഗവേഷകൻ അലിയോഷ മോൾനാർ പറയുന്നത്, ഇത് തലച്ചോറിന്റെ പ്രവർത്തനം അളന്ന് വയർലെസ് ആയി അയയ്ക്കാൻ കഴിയുന്ന ഇതുവരെ നിർമ്മിച്ച ഏറ്റവും ചെറിയ ഉപകരണം ആണെന്നതാണ്.
ബ്രെയിൻ ഇംപ്ലാൻറ് എന്താണ് ചെയ്യുന്നത്?
തലച്ചോറിൽ സ്ഥാപിക്കുന്ന ഈ സൂക്ഷ്മ ചിപ്പുകൾക്ക് ചിന്തകളെ ഡിജിറ്റൽ കമാൻഡുകളാക്കി മാറ്റാൻ കഴിയും.
പക്ഷാഘാതം പോലുള്ള അവസ്ഥകളിൽ കൈകാലങ്ങൾ ചലിപ്പിക്കാൻ കഴിയാത്തവർക്ക്, ചിന്തയിലൂടെ കമ്പ്യൂട്ടർ നിയന്ത്രിക്കാനും, കർസർ നീക്കാനും, ടൈപ്പ് ചെയ്യാനും, ഗെയിം കളിക്കാനും ഇതിലൂടെ സാധിക്കും.
മുടിയോളം മാത്രമുള്ള വലിപ്പം
നീളം: 300 മൈക്രോൺ
വീതി: 70 മൈക്രോൺ
മനുഷ്യന്റെ മുടിനൂൽ വലിപ്പം തന്നെ
അലൂമിനിയം ഗാലിയം ആർസെനൈഡ് ഉപയോഗിച്ചാണ് നിർമാണം. ഇതിലൂടെ ഡാറ്റ അയയ്ക്കാനും, പ്രകാശ സിഗ്നലിൽ നിന്നുതന്നെ ഊർജം സ്വീകരിക്കാനുമാകും.
20 വർഷത്തെ ശ്രമം, വിജയകരമായ പരീക്ഷണം
2001-ൽ ആരംഭിച്ച ഗവേഷണം 20 വർഷം കൊണ്ടാണ് യാഥാർത്ഥ്യമായത്.
ആദ്യം ലാബ് കോശങ്ങളിൽ പരീക്ഷണം
തുടർന്ന് എലികളിൽ പരീക്ഷിച്ചു
ഒരു വർഷത്തിലേറെയായി ചിപ്പ് മസ്തിഷ്ക സിഗ്നലുകൾ വിജയകരമായി രേഖപ്പെടുത്തി
എലികൾ ആരോഗ്യത്തോടെയും സാധാരണ ജീവിതത്തോടെയും തുടരുന്നു
സുരക്ഷ മുൻനിരയിൽ
MRI സ്കാനിങിന് സുരക്ഷിതം
വയർ ഇല്ല, അതിനാൽ അണുബാധ ഭീഷണി കുറവ്
തലച്ചോർ നാഡികൾക്ക് ഹാനികരമല്ല
ദീർഘകാലം പ്രവർത്തിക്കാൻ കഴിയും
ഭാവിയിലേക്കുള്ള വഴി
ഈ സാങ്കേതികവിദ്യ ഭാവിയിൽ —
സുഷുമ്നാനാഡിയിലെ ചികിത്സ
കൃത്രിമ തലയോട്ടി പ്ലേറ്റുകൾ
നാഡീവ്യവസ്ഥ നിരീക്ഷണം
സ്മാർട്ട് മെഡിക്കൽ ഇംപ്ലാൻറുകൾ
എന്നിവയിലേക്കും വ്യാപിപ്പിക്കാനാകുമെന്ന് ഗവേഷകർ പ്രതീക്ഷിക്കുന്നു.
മനുഷ്യ ചിന്തയും യന്ത്ര ബുദ്ധിയും ഒന്നിക്കുന്ന പുതിയ കാലഘട്ടത്തിലേക്കുള്ള വാതിൽപ്പടിയാണ് ഈ കണ്ടുപിടിത്തം.
English Summary
Scientists have developed the world’s smallest wireless brain implant, smaller than a grain of rice, named MOTE (Microscale Optoelectronics Tetherless Electrode). The ultra-thin chip can read brain electrical signals and transmit them as infrared light without wires. Developed over 20 years by researchers at Cornell University, it is MRI-safe, infection-resistant, and has been successfully tested in mice for over a year. The breakthrough opens new possibilities for brain–computer interfaces, paralysis treatment, neural monitoring, and future medical implants.
mote-world-smallest-wireless-brain-chip-cornell-university
Neuro technology, Brain chip, MOTE implant, Cornell University, Wireless brain implant, Optical data transfer, Brain-computer interface, Medical innovation, MRI-safe chip, Neural monitoring
