സാമ്പാറിലും അവിയലിലും ഒഴിച്ചുകൂടാനാവാത്ത പച്ചക്കറിയാണ് മുരിങ്ങക്കായ. എന്നാൽ ഇപ്പോൾ മാർക്കറ്റിലെ വിഐപിയാണ് മുരിങ്ങക്കായ, വിലയുടെ കാര്യത്തിൽ. കിലോയ്ക്ക് 500 രൂപ വരെയാണ് മുരിങ്ങക്കായുടെ റീട്ടെയ്ൽ വില. തമിഴ്നാട്ടിൽ നിന്നുള്ള മുരിങ്ങക്കായുടെ വരവ് കുറഞ്ഞതാണ് വില കുത്തനെ കൂടൻ കാരണം.
കാന്താരിയുടെ വിലയും ഉയരത്തിൽ തന്നെയാണ്. 300 രൂപയുണ്ടായിരുന്ന കാന്താരി മുളകിന് വില ഇപ്പോൾ 500-ലെത്തി. വിപണിയിലെ വരവ് കുറഞ്ഞതോടെ നേന്ത്രപ്പഴത്തിന്റെ വിലയും കൂട്ടുകയാണ്. രണ്ട് ദിവസം കൊണ്ട് വില 80- രൂപയിലേക്കെത്തി. നേരത്തെ വില 45-50 രൂപയായിരുന്നു വില. പച്ചക്കായയുടെ വിലയുമേറി. 35 രൂപയിൽ നിന്ന് 50 രൂപയായി ഉയർന്നു.
