മുൻ യു.എസ് പ്രസിഡന്‍റ് ഡോണൾഡ് ട്രംപിന്‍റെ ഫേസ്ബുക്, ഇൻസ്റ്റഗ്രാം അക്കൗണ്ടുകൾക്ക് മെറ്റ ഏർപ്പെടുത്തിയിരുന്ന നിയന്ത്രണം പിൻവലിച്ചു. തിങ്കളാഴ്ച റിപ്പബ്ലിക്കൻ നാഷനൽ കൺവെൻഷൻ ആരംഭിക്കാനിരിക്കെയാണ് മെറ്റയുടെ നടപടി. നിയന്ത്രണങ്ങൾ പൂർണമായും നീക്കിയതായി വെള്ളിയാഴ്ച മെറ്റ വ്യക്തമാക്കി. ഫേസ്ബുകിൽ 34 ദശലക്ഷം പേരാണ് ട്രംപിനെ പിന്തുടരുന്നത്. (Meta unbans Donald Trump’s Facebook and Instagram accounts)
2021 ജനുവരിയിൽ യു.എസ് ക്യാപിറ്റോളിനു നേരെ ട്രംപ് അനുകൂലികൾ അക്രമം നടത്തിയതോടെയാണ് ട്രംപിന്‍റെ അക്കൗണ്ടുകൾക്ക് വിലക്കേർപ്പെടുത്തിയത് . 2023 ഫെബ്രുവരിയിൽ നിയന്ത്രണങ്ങളോടെ അക്കൗണ്ടുകൾ ഉപയോഗിക്കാൻ മെറ്റ അനുമതി നൽകിയിരുന്നു.റിപ്പബ്ലിക്കൻ പാർട്ടിയുടെ പ്രസിഡന്‍റ് സ്ഥാനാർഥി കൂടിയാണ് ട്രംപ്.
ALSO READ:
ഇന്ത്യൻ വംശജരുടെ പിന്തുണ ഇത്തവണ ബൈഡനോ ? ട്രംപിനോ ? സർവേകൾ വ്യക്തമാക്കുന്നത് ഇങ്ങനെ:
മുൻ അമേരിക്കൻ തിരഞ്ഞെടുപ്പിൽ ബൈഡനും ട്രംപും ഏറ്റുമുട്ടിയപ്പോൾ ബൈഡനെ തുണച്ച ഘടകങ്ങളിൽ ഒന്നായിരുന്നു ഇന്ത്യൻ വംശജരുടെ പിന്തുണ 65 ശതമാനം ഇന്ത്യൻ വംശജരും അന്ന് ബൈഡനൊപ്പം നിലകൊണ്ടു. (Is the support of Indians this time for Biden? Polls for Trump say:)
എന്നാൽ ഇത്തവണ 46 ശതമാനം ഇന്ത്യൻ വംശജർ മാത്രമേ ബൈഡനൊപ്പമുള്ളുയെന്ന് വിവിധ ഏജൻസികൾ ചേർന്ന് തയാറാക്കിയ സർവേ ഫലങ്ങൾ സൂചിപ്പിക്കുന്നു.യു.എസ്.ൽ ഏഷ്യക്കാരായ വോട്ടർമാരുടെ എണ്ണത്തിൽ കഴിഞ്ഞ ഏതാനും വർഷങ്ങളായി ഗണ്യമായ വർധനവാണ് ഉണ്ടായിട്ടുള്ളത്.
കഴിഞ്ഞ നാലു വർഷത്തിനുള്ളിൽ 15 ശതമാനമാണ് വർധനവ് ഉണ്ടായിട്ടുള്ളത്. ഇന്ത്യൻ വംശജരുടെ പിന്തുണ നഷ്ടപ്പെട്ടാൽ ബൈഡന് തിരഞ്ഞെടുപ്പിൽ വലിയ തിരിച്ചടിയുണ്ടാകും.
