അനധികൃതമായി അവധിയിൽ തുടരുന്ന 61 നഴ്സുമാരെ മെഡിക്കൽ വിദ്യാഭ്യാസവകുപ്പ് പുറത്താക്കി. അഞ്ചുവർഷമായി ജോലിക്ക് ഹാജരാകാതെ അനധികൃത അവധിയിൽ കഴിയുന്നവർക്കെതിരെയാണ് ഈ നടപടി സ്വീകരിക്കപ്പെട്ടത്. നിലവിൽ 216 നഴ്‌സുമാർ അനധികൃതമായി മെഡിക്കൽ കോളേജുകളിൽ നിന്ന് വിട്ടുനിൽക്കുന്നു. Medical Education Department dismisses 61 nurses who were on illegal leave
വിദേശത്ത് ജോലി ലഭിച്ചവരാണ് ഇതിൽ കൂടുതലായുള്ളത്. , ഇതിൽ 61 പേർ പ്രൊബേഷൻ പൂർത്തിയാക്കിയിട്ടില്ല. ഇവരെയാണ് പുറത്താക്കിയത്.
ശൂന്യവേതന അവധിക്ക് സർക്കാർ കണക്കാക്കുന്ന കാലയളവ് അഞ്ചു വർഷമാണ്. മുമ്പ് 20 വർഷം വരെ അവധി എടുക്കുകയും വിദേശത്തും മറ്റ് സ്ഥലങ്ങളിലും ജോലി ചെയ്യുകയും ചെയ്തവരും, വിരമിക്കുന്നതിന് മുമ്പ് വീണ്ടും സർവീസിൽ പ്രവേശിക്കുന്നവരും ഉണ്ടായിരുന്നു.
സർക്കാർ ആശുപത്രികളിൽ ആവശ്യമായ ഡോക്ടർമാരും നഴ്സുമാരും ഇല്ലാത്ത സാഹചര്യത്തിലാണ് അനധികൃത അവധികൾ എടുക്കുന്നത്. ഇവരുടെ തസ്തികകളിൽ പകരം നിയമനം നടത്താൻ സർക്കാർ കഴിയുന്നില്ല. ഈ സാഹചര്യത്തിലാണ് പുതിയ തീരുമാനം.
