എംബിബിഎസ് ഒന്നാം വർഷം പതിനൊന്ന് വർഷമായി പഠിക്കുന്ന വിദ്യാർഥി; ഹോസ്റ്റൽ വാടക പോലും നൽകുന്നില്ല; പരാതിയുമായി ബിആർഡി മെഡിക്കൽ കോളജ്

ന്യൂഡൽഹി: എംബിബിഎസ് വിദ്യാർഥിക്കെതിരെ കോളജ് അധികൃതർ ദേശീയ മെഡിക്കൽ കമ്മിഷനെ (എൻഎംസി) സമീപിച്ചു. എംബിബിഎസ് ഒന്നാം വർഷം പതിനൊന്ന് വർഷമായി പഠിക്കുന്ന വിദ്യാർഥിക്കെതിരെയാണ് പരാതി.

ആദ്യ വർഷ പരീക്ഷയ്ക്ക് ശേഷം തുടർ പരീക്ഷകൾ എഴുതാനും ഹോസ്റ്റൽ ഒഴിയാനും വിദ്യാർഥി തയ്യാറാകുന്നില്ലെന്നതാണ് കോളജ് അധികൃതരുടെ പ്രധാന ആരോപണം.

യുപിയിലെ ഗോരഖ്പുരിലുള്ള ബിആർഡി മെഡിക്കൽ കോളജാണ് വിഷയത്തിൽ എൻഎംസി ഇടപെടൽ തേടിയത്. 2014-ൽ മെഡിക്കൽ യുജി സീറ്റിലേക്ക് പ്രവേശനം നേടിയ വിദ്യാർഥി അന്നുമുതൽ കോളജ് ഹോസ്റ്റലിൽ താമസിച്ചുവരുന്നതായി പ്രിൻസിപ്പൽ ഡോ. രാംകുമാർ ജയ്സ്വാൾ നൽകിയ പരാതിയിൽ വ്യക്തമാക്കുന്നു.

2015-ൽ എംബിബിഎസ് ഒന്നാം വർഷ പരീക്ഷ എഴുതിയെങ്കിലും വിദ്യാർഥി വിജയിച്ചിരുന്നില്ല. ഇതിന് പിന്നാലെ ക്ലാസുകളിൽ പങ്കെടുക്കുന്നതും തുടർ പരീക്ഷകൾ എഴുതുന്നതും ഒഴിവാക്കിയതായും പരാതിയിൽ പറയുന്നു.

അതേസമയം, ഹോസ്റ്റൽ വാടക അടയ്ക്കാനും വിദ്യാർഥി തയ്യാറാകുന്നില്ലെന്നും കോളജ് അധികൃതർ ചൂണ്ടിക്കാട്ടുന്നു.

മെഡിക്കൽ വിദ്യാഭ്യാസ ചട്ടങ്ങൾ പ്രകാരം, എംബിബിഎസ് ഒന്നാം വർഷ പരീക്ഷയിൽ പരാജയപ്പെടുന്ന വിദ്യാർഥിക്ക് സപ്ലിമെന്ററി പരീക്ഷ എഴുതിയ ശേഷം പഠനം തുടരാൻ അവസരം ഉണ്ടെങ്കിലും,

നിലവിലെ സാഹചര്യത്തിൽ വിദ്യാർഥിയുടെ നിലപാട് നിയമപരമായും അക്കാദമികമായും ഗുരുതര പ്രശ്നങ്ങൾ സൃഷ്ടിക്കുന്നുവെന്നാണ് കോളജ് അധികൃതരുടെ വിലയിരുത്തൽ.

English Summary

College authorities have filed a complaint with the National Medical Commission against an MBBS student who has remained in the first year for 11 years. The student, admitted in 2014 to BRD Medical College in Gorakhpur, Uttar Pradesh, failed the first-year exam in 2015 and has since neither attended classes nor appeared for further examinations. The authorities allege that the student continues to stay in the hostel without vacating the room or paying hostel fees. The issue has now been referred to the NMC for appropriate action.

mbbs-student-first-year-11-years-college-complaint-nmc

MBBS student, medical education, BRD Medical College, National Medical Commission, NMC complaint, medical college news, Uttar Pradesh, hostel issue