മരണത്തിന് തൊട്ടുമുമ്പ് നടത്തിയ മൂന്ന് ഇന്റർനെറ്റ് കോളുകൾ ദുരൂഹം…സി.ജെ. റോയിയുടെ മരണത്തിൽ നടി മായ മേനോൻ പറയുന്നത്
കൊച്ചി: പ്രവാസി വ്യവസായി സാജൻ പാറയിലിന്റെയും അന്തരിച്ച വ്യവസായി സി.ജെ. റോയിയുടെയും മരണങ്ങളെ തമ്മിൽ താരതമ്യം ചെയ്യുന്നതിനെതിരെ രൂക്ഷ വിമർശനവുമായി നടി മായ മേനോൻ.
ഇരുവരുടെയും ജീവിത സാഹചര്യങ്ങളും മരണകാരണങ്ങളും പരസ്പരം പൂര്ണമായും വ്യത്യസ്തമാണെന്നും,
സി.ജെ. റോയിയുടെ മരണവുമായി ബന്ധപ്പെട്ട ദുരൂഹതകൾ വ്യക്തമായതിന് മുൻപ് സാജനെപ്പോലൊരു സാധാരണ മനുഷ്യനുമായി ഈ സംഭവത്തെ കൂട്ടിക്കുഴയ്ക്കുന്നത് തെറ്റാണെന്നും താരം വ്യക്തമാക്കി.
തന്റെ കഠിനാധ്വാനത്തിലൂടെ സമ്പാദിച്ച സമ്പത്ത് സർക്കാർ അനാസ്ഥ മൂലം നഷ്ടപ്പെടുമെന്ന അവസ്ഥയിലായതോടെയാണ് സാജൻ ജീവനൊടുക്കിയതെന്ന് മായ മേനോൻ പറഞ്ഞു.
അതിനാൽ തന്നെ സാജൻ സർക്കാർ ക്രൂരതയുടെ ഇരയാണെന്നും അവർ ചൂണ്ടിക്കാട്ടി.
അതേസമയം, സി.ജെ. റോയിയുടെ മരണത്തിൽ ഇപ്പോഴും നിരവധി സംശയങ്ങൾ ബാക്കിയുണ്ടെന്നാണ് മായയുടെ വാദം.
മാസങ്ങൾക്ക് മുൻപേ ആത്മഹത്യയ്ക്ക് തയ്യാറെടുത്തിരുന്നുവെന്ന് സൂചിപ്പിക്കുന്ന ഡയറിക്കുറിപ്പുകൾ നിലവിലുണ്ടെന്നും, മരണത്തിന് തൊട്ടുമുമ്പ് നടത്തിയ മൂന്ന് ഇന്റർനെറ്റ് കോളുകൾ ഈ ദുരൂഹതകൾ കൂടുതൽ ശക്തമാക്കുന്നുവെന്നും അവർ പറഞ്ഞു.
സർക്കാരിനെയും മാധ്യമങ്ങളെയും വരെ സാമ്പത്തികമായി സ്വാധീനിക്കാൻ ശേഷിയുള്ള വ്യക്തിയായിരുന്നു റോയി എന്നും, അതേസമയം സാജൻ ആരെയും വഞ്ചിക്കാതെ നേരായ വഴിയിലൂടെ ജീവിച്ച ഒരു സാധാരണ മനുഷ്യനായിരുന്നു എന്നും മായ മേനോൻ വ്യക്തമാക്കി.
‘‘ഇവ രണ്ടും തികച്ചും വ്യത്യസ്ത സംഭവങ്ങളാണ്. സാജൻ കേരള സർക്കാരിന്റെ അനാസ്ഥയും ക്രൂരതയും മൂലമാണ് ആത്മഹത്യ ചെയ്യേണ്ടി വന്നത്.
എന്നാൽ റോയി മാസങ്ങൾക്ക് മുൻപേ തന്നെ ആത്മഹത്യയ്ക്ക് മാനസികമായി തയ്യാറെടുത്തിരുന്നുവെന്ന് അദ്ദേഹത്തിന്റെ ഡയറിക്കുറിപ്പ് വ്യക്തമാക്കുന്നു. റോയിയുടെ മരണത്തിന് പിന്നിൽ ഇനിയും നിരവധി ദുരൂഹതകൾ പുറത്തുവരാനുണ്ട്’’ — മായ മേനോൻ പറഞ്ഞു.
English Summary
Actor Maya Menon has strongly criticised attempts to compare the deaths of expatriate businessman Sajan Parayil and late businessman C.J. Roy. She said the circumstances and causes of their deaths are entirely different. According to her, Sajan was a victim of government apathy, while several unanswered questions and suspicious details, including diary notes and internet calls, still surround C.J. Roy’s death.
maya-menon-criticises-comparison-sajan-parayil-cj-roy-deaths
Maya Menon, Sajan Parayil, CJ Roy, business deaths, controversy, Kerala news, celebrity statement, suicide debate, government criticism
