കണ്ണൂർ തളിപ്പറമ്പിൽ തീപിടിത്തം
തളിപ്പറമ്പ് : കണ്ണൂരിലെ തളിപ്പറമ്പിൽ വൻ തീപിടിത്തം. ബസ് സ്റ്റാൻഡിന് സമീപമുള്ള കെ.വി. കോംപ്ലക്സിലെ കളിപ്പാട്ട വിൽപനശാലയിലാണ് തീപിടിത്തമുണ്ടായത്.
വൈകിട്ട് അഞ്ചുമണിയോടെയാണ് തീ പടർന്നത്. തീ ഉടൻ സമീപത്തെ കടകളിലേക്കും കോംപ്ലക്സുകളിലേക്കും പടർന്നു മൂന്നു നില കെട്ടിടം മുഴുവൻ തീയിൽ പെട്ടു.
ഏകദേശം പത്ത് കടകൾ പൂർണമായും കത്തിയമർന്നതായി പ്രാഥമിക റിപ്പോർട്ടുകൾ പറയുന്നു. അഗ്നിരക്ഷാസേനയുടെ യൂണിറ്റുകൾ സ്ഥലത്തെത്തി തീയണയ്ക്കാൻ ശ്രമം തുടരുന്നു.
മൂന്ന് കോംപ്ലക്സുകളിലായി പ്രവർത്തിച്ചിരുന്ന 43 വ്യാപാര സ്ഥാപനങ്ങളിലേക്കും തീ പടർന്നതായി വ്യാപാരികളുടെ പ്രതിനിധികൾ അറിയിച്ചു. വ്യാപക നാശനഷ്ടം റിപ്പോർട്ടു ചെയ്യപ്പെട്ടു.
കാൻസർ രോഗികൾക്ക് കെഎസ്ആർടിസിയിൽ സൗജന്യ യാത്ര: പ്രഖ്യാപനവുമായി മന്ത്രി കെ.ബി.ഗണേഷ് കുമാർ
തീ ആദ്യം കളിപ്പാട്ട കടയിൽ നിന്നാണ് ഉണ്ടായത്. സമീപത്തെ തുണിക്കടകളിലേക്കും മൊബൈൽ ഷോപ്പുകളിലേക്കും തീ പടർന്നതോടെ സ്ഥിതി ഗുരുതരമായി.കടകളിൽ സൂക്ഷിച്ചിരുന്ന ഗ്യാസ് സിലിണ്ടറുകൾ പൊട്ടിത്തെറിച്ചതാണ് തീ അതിവേഗം പടരാൻ കാരണമായത്. പ്രദേശം മുഴുവൻ പുകമഞ്ഞിൽ മൂടപ്പെട്ടു.
കണ്ണൂർ തളിപ്പറമ്പിൽ തീപിടിത്തം
ജില്ലയിലെ വിവിധ ഭാഗങ്ങളിൽ നിന്നുള്ള അഗ്നിരക്ഷാസേനാ യൂണിറ്റുകൾ തീയണയ്ക്കാൻ സ്ഥലത്തെത്തി പ്രവർത്തിക്കുന്നു. തീ നിയന്ത്രണ വിധേയമാക്കാനുള്ള ശ്രമം തുടരുന്നു.
എല്ലാ യൂണിറ്റുകളെയും സ്ഥലത്തേക്ക് വിളിച്ചുകൂട്ടിയിരിക്കുകയാണെന്നും ഉദ്യോഗസ്ഥർ അറിയിച്ചു. ആളപായമില്ലെന്നും തീപിടിത്തത്തിന്റെ കാരണം അന്വേഷിക്കുന്നതായും റിപ്പോർട്ടുകൾ വ്യക്തമാക്കുന്നു.
