മാര്‍ക്ക് സക്കര്‍ബര്‍ഗിന്റെ പുതിയ ആഡംബരവാച്ച് ആണിപ്പോൾ ടെക് ലോകത്തിലെ പ്രധാന ചർച്ച. ലോകത്തിലെ ഏറ്റവും കനംകുറഞ്ഞ വാച്ചാണിത്.തന്റെ ഇന്‍സ്റ്റഗ്രാമില്‍ പങ്കുവെച്ച പുതിയ റീലിലാണ് സക്കര്‍ബര്‍ഗ് ഈ വാച്ച് ധരിച്ച് പ്രത്യക്ഷപ്പെട്ടത്. Mark Zuckerberg’s new watch is a surprise in the tech world
ഇറ്റാലിയന്‍ കമ്പനിയായ ബുള്‍ഗറിയുടെ ഒക്ടോ ഫിനിസിമോ അള്‍ട്ര എസ്.ഒ.എസ്.സി. എന്ന വാച്ചാണ് സക്കര്‍ബര്‍ഗിന്റെ കൈവശമുള്ളത്. ഇത്തരം 20 വാച്ചുകള്‍ മാത്രമാണ് കമ്പനി നിര്‍മിച്ചിട്ടുള്ളത്.
ഈ വാച്ചിന്റെ വില ഏകദേശം അഞ്ചുകോടി രൂപയാണ്. വെറും 1.7 മില്ലിമീറ്റര്‍മാത്രമാണ് ഇതിന്റെ കനം. അതായത് രണ്ടു ക്രെഡിറ്റ് കാര്‍ഡ് ഒട്ടിച്ചുവെച്ചാലുള്ളത്ര കനം.
സമയത്തിലെ കൃത്യതയാണ് ഇതിന്റെ പ്രത്യേകത. ദിവസം 0.2 സെക്കന്‍ഡ് മാത്രമാണ് പിന്നിലായി പോകുക.
