കാപ്പ ചുമത്തി നാടുകടത്തിയാലെന്നാ.. ചാക്കു നിറയെ കഞ്ചാവ് കടത്തത്തില്ലെ ??

ഇടുക്കിയിൽ ചാക്കു നിറയെ കഞ്ചാവുമായി കാപ്പ ചുമത്തി നാടുകടത്തിയ കേസിലെ പ്രതിയെ എക്‌സൈസ് സംഘം അറസ്റ്റ് ചെയ്തു. ബൈസൺവാലി ഇരുപതേക്കർ കളക്കാച്ചിവിളയിൽ മഹേഷ്മണി (23) ആണ് അറസ്റ്റിലായത്. Man arrested for smuggling gancha in idukki

ഇയാളുടെ കൈയ്യിൽ നിന്നും 20.62 കിലോ കഞ്ചാവും കണ്ടെടുത്തു. ചില്ലറ വിൽപ്പനക്കായി പായ്ക്ക് ചെയ്യാനുള്ള ത്രാസും കവറും എക്‌സൈസ് ഇയാൾ താമസിച്ചിരുന്ന വാടകവീട്ടിൽ നിന്നും കണ്ടെടുത്തു.

ആന്ധ്രയിൽ നിന്നും കഞ്ചാവ് എത്തുന്നു എന്ന വിവരത്തെ തുടർന്ന് വീടുവളഞ്ഞാണ് ഉദ്യോഗസ്ഥർ പ്രതിയെ അറസ്റ്റ് ചെയ്തത്. മുൻപ് പോലീസ് കാപ്പ ചുമത്തി നാടുകടത്തിയ മഹേഷ് ഒട്ടേറെ ക്രിമിനൽ കേസുകളിൽ പ്രതിയാണ്.