കൊല്ലൂർ: സിനിമ ചിത്രീകരണത്തിനായി മൂകാംബികയിലേക്ക് പോയ മലയാളി യുവാവ് പുഴയിൽ മുങ്ങി മരിച്ചു. വൈക്കം സ്വദേശി പള്ളപ്പർത്ത്ശേരി പട്ടശ്ശേരി മൂശാറത്തറ വീട്ടിൽ കബിൽ (28) ആണ് മരിച്ചത്. ഇന്ന് വൈകിട്ട് 4 മണിയോടെയാണ് അപകടമുണ്ടായത്.
മൂകാംബികയിലെ സൗപർണ്ണികയിലാണ് അപകടമുണ്ടായത്. സഹപ്രവർത്തകരുമായി പുഴയിൽ ഇറങ്ങി കുളിക്കുന്നതിനിടെ യുവാവ് പുഴയിൽ മുങ്ങിത്താഴുകയായിരുന്നു.
കൂടെയുണ്ടായിരുന്നവർ ചേർന്ന് ഉടൻ തന്നെ മുങ്ങിയെടുത്ത് യുവാവിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. നിരവധി ടെലിഫിലിമുകളിൽ കബിൽ വേഷമിട്ടിട്ടുണ്ട്.
കാന്താര സിനിമയുടെ രണ്ടാം ഭാഗത്തിൽ അഭിനയിക്കാനാണ് യുവാവ് മൂകാംബികയിൽ എത്തിയത്. തെയ്യം കലാകാരൻ കൂടിയാണ് കബിൽ.
