ചായയും പഴവും കഴിപ്പിച്ചു, കാത്തിരിപ്പിലാണ് പോലീസ്…കുഞ്ഞിന്റെ മാല വിഴുങ്ങിയ യുവതി പിടിയിൽ!
മലപ്പുറം: ക്ലിനിക്കിൽ എത്തിയ കുഞ്ഞിന്റെ സ്വർണമാല മോഷ്ടിച്ച് വിഴുങ്ങിയ യുവതിയെ പൊലീസ് അറസ്റ്റ് ചെയ്തു. മലപ്പുറം നിലമ്പൂർ മുക്കട്ട സ്വദേശിനിയായ സമീനയാണ് പിടിയിലായത്.
ഈ മാസം 10-നാണ് സംഭവം നടന്നത്. നിലമ്പൂർ ആശുപത്രി റോഡിലെ സ്വകാര്യ ക്ലിനിക്കിൽ ചികിത്സയ്ക്കായി മാതാപിതാക്കളോടൊപ്പം എത്തിയ കുഞ്ഞിന്റെ കഴുത്തിലുണ്ടായിരുന്ന സ്വർണമാലയാണ് മോഷ്ടിക്കപ്പെട്ടത്.
ക്ലിനിക്കിൽ ഇരിക്കുമ്പോൾ കുഞ്ഞിനെ സമീന ലാളിക്കുകയും സംസാരിക്കുകയും ചെയ്തിരുന്നതായി മാതാപിതാക്കൾ പൊലീസിന് മൊഴി നൽകിയിട്ടുണ്ട്.
കുറച്ചു സമയത്തിനുശേഷമാണ് കുഞ്ഞിന്റെ മാല കാണാനില്ലെന്ന് കുടുംബം ശ്രദ്ധിച്ചത്. തുടർന്ന് നിലമ്പൂർ പൊലീസിൽ പരാതി നൽകുകയായിരുന്നു.
പരാതിയുടെ അടിസ്ഥാനത്തിൽ നടത്തിയ അന്വേഷണത്തിൽ സമീനയെ പൊലീസ് കസ്റ്റഡിയിലെടുത്തു.
സംശയം ശക്തമായതിനെ തുടർന്ന് നടത്തിയ എക്സ്റേ പരിശോധനയിലാണ് യുവതി മാല വിഴുങ്ങിയതായി വ്യക്തമായത്. ഇതോടെ പൊലീസ് ഇന്നലെ വൈകിട്ട് സമീനയുടെ അറസ്റ്റ് രേഖപ്പെടുത്തി.
അതേസമയം, വിഴുങ്ങിയ സ്വർണമാല ഇതുവരെ വീണ്ടെടുക്കാൻ കഴിഞ്ഞിട്ടില്ലെന്ന് പൊലീസ് അറിയിച്ചു. പ്രതിയെ മെഡിക്കൽ നിരീക്ഷണത്തിൽ തുടരുമെന്നും ആഭരണം കണ്ടെത്തുന്നതിനുള്ള നടപടികൾ പുരോഗമിക്കുകയാണെന്നും അധികൃതർ വ്യക്തമാക്കി.
English Summary
A woman was arrested in Malappuram for stealing and swallowing a gold necklace belonging to a child at a private clinic in Nilambur. The accused, Sameena from Mukkatt, was taken into custody after the child’s parents filed a complaint. An X-ray examination confirmed that she had swallowed the necklace. The jewellery has not yet been recovered, and the accused remains under medical observation.
malappuram-woman-arrested-for-swallowing-stolen-gold-necklace
Malappuram, Nilambur, gold chain theft, woman arrested, clinic theft, Kerala crime news, swallowed gold necklace, police investigation
