16കാരിയെ പീഡിപ്പിച്ചു; മോട്ടിവേഷണൽ സ്പീക്കറായ മുൻ പൊലീസ് ഉദ്യോഗസ്ഥൻ പിടിയിൽ
മലപ്പുറം: പോക്സോ കേസിൽ മുൻ പൊലീസ് ഉദ്യോഗസ്ഥനും മോട്ടിവേഷണൽ സ്പീക്കറുമായ ഫിലിപ്പ് മമ്പാട് നിലമ്പൂർ പോലീസിന്റെ പിടിയിലായി.
16 വയസ്സുള്ള പെൺകുട്ടിയെ ലൈംഗികാതിക്രമത്തിന് ഇരയാക്കിയെന്ന പരാതിയിലാണ് നടപടി.
2022 സെപ്റ്റംബറിൽ നടന്നതായി ആരോപിക്കുന്ന സംഭവത്തെ അടിസ്ഥാനമാക്കി രജിസ്റ്റർ ചെയ്ത കേസിലാണ് ഇയാളെ കസ്റ്റഡിയിലെടുത്തത്. അറസ്റ്റ് ഉടൻ രേഖപ്പെടുത്തുമെന്നാണ് വിവരം.
കോഴിക്കോട് ചേവായൂർ സ്വദേശിനിയായ, മാനസിക വെല്ലുവിളി നേരിടുന്ന പെൺകുട്ടിയെ കൗൺസിലിംഗിനായി ഫിലിപ്പിന്റെ അടുത്തെത്തിച്ചപ്പോഴാണ് സംഭവം നടന്നതെന്നാണ് പരാതിയിൽ പറയുന്നത്.
കാഞ്ഞങ്ങാട് പ്രദേശത്തെ ഒരു ഹോട്ടലിൽ വെച്ചാണ് അതിക്രമം നടത്തിയതെന്നാണ് ആരോപണം.
പെൺകുട്ടി തന്നെ ചൈൽഡ് ലൈൻ വഴി നൽകിയ പരാതിയെത്തുടർന്നാണ് അന്വേഷണം ആരംഭിച്ചത്. തുടർന്ന് രക്ഷിതാക്കളുടെ പരാതിയും ലഭിച്ചതോടെ പൊലീസ് നടപടി ശക്തമാക്കി.
സോഷ്യൽ മീഡിയയിൽ സജീവമായ ഫിലിപ്പ് മമ്പാട് വിദ്യാർത്ഥികൾക്ക് ലഹരിവിരുദ്ധ ബോധവത്കരണ ക്ലാസുകൾ നടത്താറുണ്ടെന്നതും ശ്രദ്ധേയമാണ്.
English Summary
A former police officer and motivational speaker, Philip Mampad, was detained by Nilambur police in connection with a POCSO case. He is accused of sexually assaulting a 16-year-old girl in 2022 at a hotel in Kanhangad, when she was brought to him for counselling. The case was initiated after the girl filed a complaint through Childline, followed by a complaint from her parents. Arrest procedures are underway.
malappuram-pocso-case-former-police-officer-arrest
Malappuram, POCSO Case, Philip Mampad, Crime News, Kerala Police, Child Protection, Arrest, Kerala News
