‘താറാവ് നടത്തം’ വെറുമൊരു സ്റ്റൈലല്ല; പിന്നിലെ രഹസ്യം വെളിപ്പെടുത്തി മലൈക അറോറ!
മുംബയ്: നടിയും ഫിറ്റ്നസ് ഐക്കണുമായ മലൈക അറോറയുടെ നടത്തശൈലി പലപ്പോഴും സോഷ്യൽ മീഡിയയിൽ ചർച്ചയായിട്ടുണ്ട്. ‘താറാവ് പോലെ നടക്കുന്നു’ എന്ന ട്രോളുകൾക്കും വിമർശനങ്ങൾക്കും ഇടയിലായിരുന്നു ഈ വിഷയത്തിന് വീണ്ടും ശ്രദ്ധ ലഭിച്ചത്. ഇപ്പോഴിതാ, തന്റെ നടത്തത്തിന് പിന്നിലെ യഥാർത്ഥ കാരണം തുറന്ന് പറഞ്ഞിരിക്കുകയാണ് താരം.
ഒരു അഭിമുഖത്തിൽ മലൈക അറോറ വ്യക്തമാക്കി: “നിങ്ങൾ വിശ്വസിച്ചാലും ഇല്ലെങ്കിലും, എന്റെ ഡോക്ടറാണ് എന്നോട് അങ്ങനെ നടക്കാൻ നിർദേശിച്ചത്. ഞാൻ സ്ഥിരമായി ഹൈഹീൽസ് ധരിക്കുന്നതിനാൽ താഴത്തെ പുറകുവശത്ത് ആരോഗ്യപ്രശ്നങ്ങൾ ഉണ്ടാകാറുണ്ട്.”
അതിനെ പരിഹരിക്കാനായി പ്രത്യേക രീതിയിൽ നടക്കാൻ ഡോക്ടർ നിർദേശിച്ചതാണെന്ന് താരം പറഞ്ഞു. “എല്ലാ ദിവസവും ഞാൻ ഈ ‘ഡക്ക് വാക്ക്’ പരിശീലിക്കുന്നു. ഇത് താഴത്തെ പുറം പ്രശ്നങ്ങൾ കുറയ്ക്കുന്നതിനൊപ്പം പോസ്ചർ ശരിയാക്കാനും ശരീരവടിവ് മെച്ചപ്പെടുത്താനും സഹായിക്കുന്നു,” എന്നും അവർ കൂട്ടിച്ചേർത്തു.
കാൽവിരലുകൾ അടുപ്പിച്ച് കാലുകൾ അകറ്റി നിർത്തിയാണ് ഈ നടത്തം ചെയ്യേണ്ടത്. രാവിലെയും രാത്രിയിലും 10–15 ചുവടുകൾ ഇത്തരത്തിൽ നടക്കാൻ നിർദേശമുണ്ടെന്നും താരം പറഞ്ഞു.
ഫിറ്റ്നസ് തന്റെ ജീവിതത്തിന്റെ അവിഭാജ്യഘടകമാണെന്നും ഓട്ടം, നടത്തം, യോഗ എന്നിവയാണ് ഏറ്റവും ഇഷ്ടപ്പെട്ട വ്യായാമങ്ങളെന്നും മലൈക വ്യക്തമാക്കി.
English Summary
Malaika Arora revealed that her much-discussed “duck walk” is actually recommended by her doctor to reduce lower back pain and improve posture.
