സന്നിധാനം: മകരവിളക്ക് മഹോത്സവത്തിനു മുന്നോടിയായി ശബരിമല നട ഇന്ന് തുറക്കും. വൈകീട്ട് നാല് മണിക്ക് തന്ത്രി കണ്ഠരര് രാജീവരുടെ നേതൃത്വത്തിൽ മേൽശാന്തി അരുൺ കുമാർ ശ്രീകോവിൽ നടതുറക്കുന്നതോടെ മകരവിളക്ക് മഹോത്സവ കാലത്തിന് തുടക്കമാകും. ഇന്ന് ഉച്ചയോടെയാണ് തീർഥാടകരെ പമ്പയിൽ നിന്ന് കടത്തി വിടുക.(Makaravilak Festival; Sabarimala Nada will be opened today)
ആഴിയിൽ അഗ്നി പകരുന്നതോടെ ഭക്തർ പതിനെട്ടാം പടി ചവിട്ടി തുടങ്ങും. ജനുവരി പതിനാലിനാണ് മകരവിളക്ക്. മണ്ഡലകാലത്തിന് പരിസമാപ്തി കുറിച്ചുകൊണ്ട് വ്യാഴാഴ്ചയാണ് ശബരിമല നട അടച്ചത്.
മകരവിളക്ക് മഹോത്സവത്തിന് മുന്നോടിയായി സ്പോട്ട് ബുക്കിംഗ് കൗണ്ടറുകളുടെ എണ്ണം വർധിപ്പിക്കാൻ തീരുമാനിച്ചിട്ടുണ്ട്. നിലവിലുള്ള ഏഴു കൗണ്ടറുകൾ പത്താക്കി ഉയർത്താനാണ് തീരുമാനം. കൂടാതെ 60 വയസ് പൂർത്തിയായവർക്ക് മാത്രമായി പ്രത്യേക കൗണ്ടർ തുറക്കും
