മോട്ടോർ സൈക്കിൾ വിത്ത് ഗിയർ ലൈസൻസ് എടുക്കാനെത്തുന്നവർ കൂടുതലായി ഉപയോഗിച്ചിരുന്നത് ബജാജ് എം.80 സ്‌കൂട്ടറായിരുന്നു. കൈകൊണ്ട് ഗിയർ പ്രവർത്തിപ്പിക്കാവുന്ന എം.80 താരതമ്യേന ലൈസൻസ് ടെസ്റ്റ് പാസാകാനുള്ള എട്ട് പരീക്ഷയ്ക്ക് അനായാസമായി ഉപയോഗിക്കാനും കഴിഞ്ഞിരുന്നു. ( m80 vehicle removed from drivingvtest in kerala)
എന്നാൽ പുതിയ ചട്ടമനുസരിച്ച് പവർ കൂടിയ വാഹനം ഉപയോഗിക്കണം വ്യവസ്ഥ വന്നതോടെ ഡ്രൈവിങ്ങ് സ്‌കൂളുടമകൾക്ക് എം.80 ഉപേക്ഷിക്കേണ്ട അവസ്ഥ വന്നു. ഇതോടെ ലൈസൻസ് ടെസ്റ്റിനെത്തുന്നവരിൽ പലരും ടെസ്റ്റ് പാസാകാത്ത അവസ്ഥയാണ്. എറണാകുളം ആർ.ടി. ഓഫീസിന് കീഴിൽ ആദ്യദിനം ടെസ്റ്റിൽ പങ്കെടുത്ത 48 പേരിൽ 18 പേർ മാത്രമാണ് എട്ട് പരീക്ഷ പാസായത്. 95 സി.സി.യ്ക്ക് മുകളിലുള്ള വാഹനമേ എട്ട് പരീക്ഷയ്ക്ക് ഉപയോഗിക്കാവു എന്ന അവസ്ഥ വന്നതോടെയാണ് 75 സി.സി. പവർ മാത്രമുള്ള എം.80 പുറത്തായത്. നിലവിൽ എം.80 വാഹനത്തിൽ പരിശീലനം നടത്തിയവർ കാലിൽ ഗിയറുള്ള പുതിയ വാഹനത്തിൽകൂടി പരിശീലിക്കാൻ തയാറെടുക്കുകയാണെന്ന് ഡ്രൈവിങ്ങ് സ്‌കൂൾ നടത്തിപ്പുകാർ പറയുന്നു.
){kind=link}