കാലടി: കാലടി മറ്റൂർ സെന്റ് ജോർജ് കോംപ്ലക്സിൽ ലോട്ടറി കച്ചവടം നടത്തുന്ന മൂഴയിൽ ലക്കി സെൻററിൽ നിന്ന് വിൽപനക്കാരനെ കബളിപ്പിച്ച് 20,000 രൂപ തട്ടിയെടുത്തതായി പരാതി.
കഴിഞ്ഞ 15ന് നറുക്കെടുത്ത ഫിഫ്റ്റി ഫിഫ്റ്റി 125ന്റെ നാല് സീരിയലുകളിലെ ഒരേ നമ്പറിലുള്ള ടിക്കറ്റുകളുടെ ഫോട്ടോസ്റ്റാറ്റ് നൽകിയാണ് തട്ടിപ്പ് നടത്തിയത്.
18ന് ഹെൽമറ്റും, മാസ്‌ക്കും ധരിച്ച് സ്‌കൂട്ടറിലെത്തിയ ആളാണ് പണം തട്ടിയത്. മൊബൈൽ ആപ്പിൽ ടിക്കറ്റുകൾ സ്‌കാനിങിന് വിധേയമാക്കിയപ്പോൾ സമ്മാനത്തുക കാണിച്ചിരുന്നു.
പിന്നീട് നടത്തിയ സൂക്ഷ്മ പരിശോധനയിലാണ് ടിക്കറ്റ് വ്യാജമാണെന്ന് മനസ്സിലായത്. കടയിലെ സി.സി ടിവി കാമറയിൽ ഇയാളുടെ ചിത്രം പതിഞ്ഞിട്ടുണ്ട്.
ഫോട്ടോസ്റ്റാറ്റ് ടിക്കറ്റിലും സമ്മാനത്തുക കാണിക്കുന്നത് ടിക്കറ്റ് അച്ചടിയിലെ സുരക്ഷാ മാർക്കുകളുടെ അപാകതയാെണന്നും ഇതിന് പരിഹാരം കാണണമെന്നും ഓൾ കേരള ലോട്ടറി ട്രേഡേഴ്‌സ് യൂനിയൻ എ.ഐ.ടി.യു.സി മണ്ഡലം പ്രസിഡന്റ് എം.എം. പരമേശ്വരനും സെക്രട്ടറി ജോയ് കാക്കശ്ശേരിയും ലോട്ടറി ഡയറക്ടർക്കും പൊലീസിനും നൽകിയ പരാതിയിൽ ആവശ്യപ്പെട്ടു.
