വൈറലാകാൻ വേണ്ടി മകൾ ആത്മഹത്യ ചെയ്യാൻ വരെ തയ്യാറാക്കുന്ന കാലമാണ്. എന്തുചെയ്താലും പത്താളുകൾ അറിയണമെന്ന് മാത്രമാണ് ഇന്നത്തെ യുവത്വം ആഗ്രഹിക്കുന്നത്. ഇത്തരത്തിൽ ഒരു സാഹസിക കൃത്യം ചെയ്ത യുവാക്കളുടെ വാർത്തയാണ് ഇപ്പോൾ സോഷ്യൽ മീഡിയയിൽ ചർച്ചയാകുന്നത്. ആത്മഹത്യാപരം എന്ന് തന്നെ പറയാവുന്ന ഇത്തരം കാര്യങ്ങൾ അധികൃതർ ഇടപെട്ടു തന്നെ ഒഴിവാക്കേണ്ടതാണ് എന്നാണ് ഇത് കണ്ട നെറ്റിസൺസ് പറയുന്നത്. (The young woman hanged from a 100 feet high building and filmed the reels)
പൂനെയിലാണ് സംഭവം. പൂനെയിലെ സ്വാമിനാരായണൻ ക്ഷേത്രത്തിനു സമീപമാണ് ഈ സംഭവം നടക്കുന്നത്. കെട്ടിടത്തിന്റെ മുകളിൽ തൂങ്ങിക്കിടന്ന് റീൽസ് ചിത്രീകരിക്കുന്ന പെൺകുട്ടിയുടെയും യുവാവിന്റെയും വീഡിയോയാണ് സോഷ്യൽ മീഡിയ ചർച്ച ചെയ്യുന്നത്.
ഇവരുടെ സുഹൃത്തായ ഒരാൾ ചിത്രീകരിച്ച വീഡിയോയാണ് വൈറലായി മാറുന്നത്. ഏകദേശം നൂറടി ഉയരമുള്ള കെട്ടിടത്തിൽ പെൺകുട്ടി തൂങ്ങിക്കിടക്കുന്നത് വീഡിയോയിൽ കാണാം. വ്യാപക വിമർശനമാണ് ഇവരുടെ വീഡിയോയ്ക്ക് എതിരെ ഉയരുന്നത്. ഇവർക്കെതിരെ ശക്തമായ നടപടികൾ സ്വീകരിക്കണമെന്നാണ് നെറ്റിസൺസ് ഒന്നടങ്കം ആവശ്യപ്പെടുന്നത്.
