മലപ്പുറം: ബൈക്കിൽ പോകുന്നതിനിടെ പുലിയുടെ ആക്രമണത്തിൽ ഒരാള്‍ക്ക് പരിക്കേറ്റു. മലപ്പുറം മമ്പാട് വെച്ചാണ് സംഭവം. നടുവക്കാട് സ്വദേശി പൂക്കോടൻ മുഹമ്മദാലിക്കാണ് പരിക്കേറ്റത്.
ഇന്ന് രാവിലെ 7.30ഓടെയാണ് പുലിയുടെ ആക്രമണം ഉണ്ടായത്. ബൈക്കിൽ പോകുന്നതിനിടെ മുഹമ്മദാലിയുടെ ദേഹത്തേക്ക് പുലി ചാടിവീഴുകയായിരുന്നു. പുലിയുടെ നഖം കാലിൽ കൊണ്ടാണ് ഇയാൾക്ക് പരിക്കേറ്റത്. പരിക്കേറ്റ മുഹമ്മദാലിയെ മമ്പാട് ആശുപത്രിയിൽ പ്രവേശിപ്പിച്ചിരിക്കുകയാണ്.
ആക്രമണത്തിൽ മുഹമ്മദാലി ധരിച്ചിരുന്ന വസ്ത്രമടക്കം കീറിയ നിലയിലാണ്. സാധനങ്ങള്‍ വാങ്ങുന്നതിനായി പുറത്ത് പോയപ്പോഴാണ് സംഭവം. പുലി ചാടി വീണതോടെ മുഹമ്മദാലി ബൈക്കിൽ നിന്ന് വീഴുകയും ചെയ്തു.
