കോട്ടയം: കെഎസ്ആര്ടിസി ബസ് കാറുമായി കൂട്ടിയിടിച്ച് മറിഞ്ഞ് അപകടം. എംസി റോഡില് കുര്യത്ത് വെച്ചാണ് അപകടം നടന്നത്. തിരുവനന്തപുരം- മൂന്നാർ കെഎസ്ആർടിസി സൂപ്പർഫാസ്റ്റ് ബസ് ആണ് കാറുമായി കൂട്ടിയിടിച്ച് നിയന്ത്രണം വിട്ടു മറിഞ്ഞത്. 24 പേര്ക്ക് പരിക്കേറ്റതായാണ് വിവരം. അപകടത്തിൽ കാര് ഡ്രൈവര്ക്കും സാരമായി പരുക്കേറ്റു.
രാവിലെ പതിനൊന്ന് മണിയോടെയാണ് അപകടം നടന്നത്. പരിക്കേറ്റവരിൽ അഞ്ചു പേരെ കോട്ടയം മെഡിക്കൽ കോളജിലും 19 പേരെ തെള്ളകത്തെ സ്വകാര്യ ആശുപത്രിയിലും പ്രവേശിപ്പിച്ചു. മുപ്പതോളം ആളുകളാണ് ബസില് ഉണ്ടായിരുന്നത്. മെഡിക്കല് കോളേജില് പ്രവേശിപ്പിച്ചവരുടെ പരിക്ക് ഗുരുതരമല്ല. നാട്ടുകാരാണ് രക്ഷാപ്രവർത്തനം നടത്തി ബസിലുള്ളവരെ പുറത്തെത്തിച്ചത്.
Read Also: വിവാഹത്തിനു മണിക്കൂറുകൾ ബാക്കി; ജിം ഉടമയായ 29കാരനെ പിതാവ് കുത്തിക്കൊന്നു
