ദേശീയപാതയോരത്ത് ബസ് നിര്ത്തി ഇറങ്ങിപ്പോയി; കെഎസ്ആര്ടിസി ഡ്രൈവര് തൂങ്ങിമരിച്ച നിലയില്
തൃശൂര്: കെഎസ്ആര്ടിസി ബസ് ദേശീയപാതയോരത്ത് നിര്ത്തിയ ശേഷം ഇറങ്ങിപ്പോയ ഡ്രൈവറെ തൂങ്ങി മരിച്ച നിലയില് കണ്ടെത്തി.
പുതുക്കാട് മണലി പാലത്തിന് താഴെ ഞായറാഴ്ച രാവിലെയാണ് മൃതദേഹം കണ്ടെത്തിയത്. പാലക്കാട് നെന്മാറ ചാത്തമംഗലം സ്വദേശി നമ്പൂതിരിപ്പറമ്പ് വീട്ടില് ബാബു ആണ് മരിച്ചത്.
ശനിയാഴ്ച വൈകിട്ട് ടോള് പ്ലാസയ്ക്ക് സമീപം ബസ് നിര്ത്തിയ ശേഷം ബാബു ഇറങ്ങിപ്പോകുകയായിരുന്നു.
ബസിലുണ്ടായിരുന്ന യാത്രക്കാരെ മറ്റൊരു ബസിലേക്ക് മാറ്റി. തുടര്ന്ന് ബസ് പുതുക്കാട് ഡിപ്പോയിലേക്ക് മാറ്റിയിരുന്നു.
ബാബുവിനെ കാണാനില്ലെന്ന പരാതിയെ തുടര്ന്ന് പുതുക്കാട് പൊലീസും ബന്ധുക്കളും ചേര്ന്ന് തിരച്ചില് ആരംഭിച്ചു.
അന്വേഷണത്തിനിടെ മണലി പാലത്തിന് സമീപമുള്ള പ്രദേശത്ത് നിന്ന് ബാബുവിന്റെ മൊബൈല് ഫോണ് കണ്ടെത്തി.
തുടര്ന്ന് ഞായറാഴ്ച രാവിലെയാണ് പാലത്തിന് താഴെ ബാബുവിനെ തൂങ്ങി മരിച്ച നിലയില് കണ്ടെത്തിയത്.
വിവരം ലഭിച്ചതോടെ പുതുക്കാട് പൊലീസ് സ്ഥലത്തെത്തി ഇന്ക്വസ്റ്റ് നടപടികള് ആരംഭിച്ചു. സംഭവത്തില് കൂടുതല് അന്വേഷണം പുരോഗമിക്കുകയാണ്.
English Summary:
A KSRTC bus driver was found hanging dead under the Manali bridge at Puthukad in Thrissur. The deceased has been identified as Babu, a native of Nenmara in Palakkad district. He had stopped the bus near a toll plaza on Saturday evening and left the spot, after passengers were shifted to another bus. Following a missing complaint, police and relatives conducted a search, during which his mobile phone was found near the bridge. His body was discovered on Sunday morning, and police have launched an investigation.
ksrtc-bus-driver-found-hanging-dead-thrissur-puthukad
Thrissur, KSRTC, bus driver death, Puthukad, Manali bridge, Palakkad, Nenmara, police investigation
