യാത്രക്കിടെ കുഞ്ഞ് അബോധാവസ്ഥയിൽ; ആശുപത്രിയിലേക്ക് തിരിച്ച് കെഎസ്ആർടിസി ബസ്
കൊച്ചി: തിരുവനന്തപുരത്ത് നിന്ന് പാലക്കാട് പോകുകയായിരുന്ന കെഎസ്ആർടിസി ബസിൽ യാത്ര ചെയ്യുന്നതിനിടെ പത്ത് മാസം പ്രായമുള്ള കുഞ്ഞിന് അസുഖം മൂർച്ഛിച്ചു.
എറണാകുളം കുണ്ടന്നൂരിൽ എത്തിയപ്പോഴാണ് കുഞ്ഞിന് അപസ്മാരം ഉണ്ടായി അബോധാവസ്ഥയിലായത്.
ഉടൻ ഇടപെട്ട് ആശുപത്രിയിലേക്ക്
സഹയാത്രക്കാരും കണ്ടക്ടറും വിവരം ഡ്രൈവറെ അറിയിച്ചതോടെ, ബസ് അടിയന്തരമായി സമീപത്തെ ആശുപത്രിയിലേക്ക് തിരിച്ചു.
ജീവനക്കാരുടെ സമയോചിതമായ ഇടപെടലാണ് കുഞ്ഞിനെ വേഗത്തിൽ ചികിത്സ ലഭ്യമാക്കാൻ സഹായിച്ചത്.
കുഞ്ഞിന് വിദഗ്ധ ചികിത്സ
കുഞ്ഞിനെ എറണാകുളം ലേക്ക് ഷോർ ആശുപത്രിയിൽ പ്രവേശിപ്പിച്ചു.
നിലവിൽ പീഡിയാട്രിക് വിഭാഗത്തിൽ വിദഗ്ധ ചികിത്സയിലാണ്.
English Summary:
A 10-month-old baby fell unconscious after a seizure during a KSRTC bus journey from Thiruvananthapuram to Palakkad. Acting swiftly, the bus crew diverted the vehicle to a hospital at Kundannoor, ensuring the child received timely medical care.
