നാടുവിടുന്ന കുട്ടികളുടെ എണ്ണം കൂടുന്നു
കോഴിക്കോട്: ഓൺലൈൻ ഗെയിമുകളിൽ പണം നഷ്ടപ്പെടുന്നത് മൂലം വീടുവിട്ടുപോകുന്ന കുട്ടികളുടെ എണ്ണം വർധിക്കുന്നതായി പോലീസ് മുന്നറിയിപ്പ്.
താമരശ്ശേരിയിൽ നിന്ന് കാണാതായ രണ്ട് ഹയർ സെക്കൻഡറി വിദ്യാർത്ഥികളെ ബംഗളൂരുവിൽ നിന്നാണ് കണ്ടെത്തിയത്.
ഇവരിൽ ഒരാൾക്ക് നഷ്ടപ്പെട്ടത് ₹1.9 ലക്ഷം രൂപയത്രയും. പണം നഷ്ടപ്പെട്ട കൂട്ടുകാരനോടൊപ്പം തന്നെയാണ് മറ്റേ വിദ്യാർത്ഥിയും പോയത്.
പാർട്ട് ടൈം ജോലി ചെയ്യുന്ന സുഹൃത്തുകളിൽ നിന്ന് കടം വാങ്ങി കളിച്ചതായും ഇരുപതോളം പേർ പണം നൽകിയതായും കുട്ടി പൊലീസിനോട് പറഞ്ഞു.
വീട്ടിൽ അറിഞ്ഞാൽ പ്രശ്നമുണ്ടാകുമെന്ന് കരുതി അവർ നാട്ടുവിട്ടു.
ഓൺലൈൻ ചൂതാട്ടം പ്രോത്സാഹിപ്പിച്ച് കെണിയൊരുക്കുന്ന സംഘങ്ങൾ കുട്ടികളെ ലക്ഷ്യമിടുന്നുവെന്നാണ് സൂചന.
ആദ്യം ചെറിയ തുക സമ്മാനമായി നൽകുകയും പിന്നീട് കൂടുതൽ നേടാമെന്ന വ്യാജവാഗ്ദാനങ്ങൾ നൽകി കുടുക്കുകയും ചെയ്യും.
പണം നഷ്ടപ്പെട്ടവരെ സ്കൂളുകളിലേക്കും കോളേജുകളിലേക്കും കേന്ദ്രീകരിച്ച ലഹരി വിൽപ്പനയിലേക്കും വലിച്ചിഴക്കുന്ന സംഘങ്ങളുമുണ്ട്.
സംസ്ഥാനത്ത് ലഹരി കേസുകളിൽ പെടുന്ന കുട്ടികളുടെ എണ്ണവും വർധിച്ചുവരികയാണ്. 2024ൽ 379 കേസുകളുണ്ടായപ്പോൾ, 2025 ആഗസ്റ്റ് വരെ 312 കേസുകൾ ഇതിനകം രജിസ്റ്റർ ചെയ്തു.
രക്ഷിതാക്കളുടെ മൊബൈൽ ഉപയോഗിച്ചാണ് പലരും ഗെയിം കളിക്കുന്നത്. ചിലർ രക്ഷിതാക്കളുടെ ബാങ്ക് വിവരങ്ങളും അറിഞ്ഞ് ഇടപാടുകൾ നടത്തുന്നു.
കുട്ടികളെ ലക്ഷ്യമിടുന്നവരിൽ ഭിക്ഷാടന മാഫിയയും ലൈംഗിക ചൂഷണ സംഘങ്ങളും ഉൾപ്പെടുന്നു. ഇത്തരം പീഡനങ്ങളാണ് പലപ്പോഴും കുട്ടികളെ വീടുവിടാൻ പ്രേരിപ്പിക്കുന്നത്.
വീടുവിടാനുള്ള പ്രധാന കാരണങ്ങൾ:
ഒറ്റപ്പെടൽ, പ്രണയ പ്രശ്നങ്ങൾ
പഠന സമ്മർദ്ദം, വീട്ടിലെ ശ്രദ്ധക്കുറവ്
സ്കൂളിലെ പ്രശ്നങ്ങൾ, മാനസിക പ്രതിസന്ധി
അന്ധമായ വിശ്വാസം, പ്രതിസന്ധി നേരിടാനുള്ള കഴിവില്ലായ്മ
സംരക്ഷണ നിർദേശങ്ങൾ:
മൊബൈൽ ദുരുപയോഗം തടയുക
കുട്ടികളുടെ പ്രശ്നങ്ങൾ അവഗണിക്കാതിരിക്കുക
അവർ പറയുന്നത് ശ്രദ്ധയോടെ കേൾക്കുക
എന്ത് സംഭവിച്ചാലും രക്ഷിതാക്കൾ ഒപ്പമുണ്ടെന്ന് ബോധ്യപ്പെടുത്തുക
സംസ്ഥാനത്ത് കാണാതാകുന്നവരുടെ എണ്ണം:
വർഷം എണ്ണം
2020 8,742
2021 9,713
2022 11,259
2023 11,760
2024 11,897
2025 (ആഗസ്റ്റ് വരെ) 7,166
മനശാസ്ത്ര വിദഗ്ധയുടെ അഭിപ്രായം:
“ചില സാഹചര്യങ്ങളെ നേരിടാനാകാത്തതാണ് ഒളിച്ചോട്ടത്തിന് പിന്നിൽ. അന്നത്തെ പ്രതിസന്ധി മാത്രമേ അവർ കാണൂ; അനന്തര ഫലങ്ങളെപ്പറ്റി ചിന്തിക്കാറില്ല.”
— വാണിദേവി പി.ടി, സൈക്കോളജിസ്റ്റ്
English Summary:
Police in Kozhikode warn of a rising number of children leaving home due to heavy financial losses in online gaming. Two higher secondary students from Thamarassery, missing for days, were found in Bengaluru. One had lost ₹1.9 lakh borrowed from friends for online games. Gangs promoting gambling lure minors with small rewards and later push them into drug trade or other crimes. Data shows increasing drug-related and POCSO cases among children. Experts say loneliness, academic pressure, and lack of emotional support drive such behavior. Psychologist Vanidevi P.T. notes that inability to face difficult situations often triggers such runaway incidents.
online gaming, child safety, Kozhikode, Kerala police, cybercrime, addiction, mental health, POCSO, parenting, social issues
