ഡൽഹി: പോളണ്ടിൽ മലയാളി യുവാവിനെ ദൂരൂഹ സാഹചര്യത്തിൽ മരിച്ച നിലയിൽ കണ്ടെത്തി. കോട്ടയം വൈക്കം സ്വദേശിയാണ് മരിച്ചത്. പോളണ്ടിലെ റാച്ചി ബോഷിയിലെ നദിയിലാണ് മൃതദേഹം കണ്ടെത്തിയത്.
കഴിഞ്ഞ ഡിസംബര്‍ 24 മുതൽ ഇയാളെ കാണാനില്ലായിരുന്നു. പിന്നാലെ പോളണ്ടിൽ എത്തിയ യുവാവിന്റെ ബന്ധു പൊലീസിൽ പരാതി നൽകിയിരുന്നു. തുടർന്ന് നടത്തിയ അന്വേഷണത്തിലാണ് യുവാവിന്റെ മൃതദേഹം നദിയിൽ നിന്നും ലഭിച്ചത്.
അതേസമയം യുവാവിന്റെ പേരുവിവരങ്ങള്‍ അടക്കം എംബസി അധികൃതര്‍ പുറത്തുവിട്ടിട്ടില്ല. വിവരമറിഞ്ഞ് യുവാവിന്റെ ബന്ധുക്കള്‍ പോളണ്ടിലെത്തിയിട്ടുണ്ട്. എംബസിയുമായി ചേര്‍ന്ന് തുടര്‍ നടപടികള്‍ പൂര്‍ത്തിയാക്കുകയാണ് ബന്ധുക്കൾ.
