ബ്ലൈൻഡ് സ്പോട്ടിൽ സ്ത്രീ, ബസ് തട്ടി വണ്ടിക്കടിയിലേക്ക്; അദ്ഭുതരക്ഷ
കൊല്ലം: മരണത്തെ കണ്ണു മുൻപിൽ കണ്ടുമാത്രം രക്ഷപ്പെട്ട ഒരു സ്ത്രീയുടെ ദൃശ്യങ്ങളാണ് കൊല്ലത്ത് നിന്നു പുറത്തുവന്നത്.
പരവൂർ–പാരിപ്പള്ളി റോഡിലെ അമ്മാരത്ത് മുക്കിൽ നടന്ന സംഭവം സിസിടിവിയിൽ പതിഞ്ഞതോടെ വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുന്നു.
താരതമ്യേന കുറഞ്ഞ വേഗത്തിലാണ് സ്വകാര്യ ബസ് സഞ്ചരിച്ചിരുന്നത്. ബസിന്റെ ബ്ലൈൻഡ് സ്പോട്ടിലൂടെ മുന്നിലേക്ക് കടക്കുന്നതിനിടെയാണ് സ്ത്രീ ബസിൽ തട്ടി റോഡിലേക്ക് വീണത്.
ബസിനടിയിലേക്ക് വീണതോടെ വലിയ അപകടം ഒഴിവായതായാണ് ദൃശ്യങ്ങളിൽ നിന്ന് വ്യക്തമാകുന്നത്. ബസ് കടന്നുപോയതിന് ശേഷം സ്ത്രീ സ്വയം മാറിനിൽക്കുന്നതും കാണാം. സീബ്രാ ലൈൻ സമീപത്താണ് സംഭവം നടന്നത്.
വീഡിയോ വൈറലായതോടെ സാമൂഹ്യമാധ്യമങ്ങളിൽ മിശ്ര പ്രതികരണങ്ങളാണ് ഉയരുന്നത്. ചിലർ സ്ത്രീയുടെ അശ്രദ്ധ ചൂണ്ടിക്കാട്ടുമ്പോൾ, ഡ്രൈവർ ശ്രദ്ധ പുലർത്തിയില്ലേയെന്ന ചോദ്യവും ഉയരുന്നു.
എന്തായാലും ഗുരുതര അപകടത്തിൽ നിന്ന് സ്ത്രീ രക്ഷപ്പെട്ടത് വലിയ ആശ്വാസമായാണ് നാട്ടുകാർ കാണുന്നത്.
English Summary
A dramatic video from Kollam shows a woman narrowly escaping after being knocked down by a private bus on the Paravur–Parippally road. The incident occurred near a zebra crossing, and the woman appears to have entered the bus’s blind spot before being hit and falling under the vehicle. Fortunately, she survived without serious injury. The viral video has triggered mixed reactions online, with some blaming pedestrian negligence and others questioning the driver’s alertness.
kollam-woman-narrow-escape-bus-viral-video
Kollam News, Viral Video, Road Accident, Kerala Traffic, Public Safety, Social Media Reaction
